ايڪتا ڏهاڙو يا ثقافت جو ڏينهن يا وري ان کي سنڌ ڌرتيءَ جو ڏينهن چئو .... هي ڏينهن سنڌين لاءِ هڪ ثقافتي عيد جو ڏينهن ٿي پيو آهي، هند، سنڌ يا پرڏيهه ۾ رهندڙ هن ڏينهن کي ملهائي خوش ٿين ٿا. گذريل پنجن سالن کان هن ڏينهن سنڌين کي يڪجا ۽ متحد ڪيو آهي ..... اڄ ڪراچي پريس ڪلب جي رستن تي سنڌي ٽوپي، اجرڪ ۽ سنڌي لباس ۾ ماڻهن کي ڏسي خوشي ٿي .... هاڻي ضرورت آهي ته هن ڏينهن کي، هن لهر کي قومي ايڪتا ۾ تبديل ڪندي سياسي، علمي ۽ تعليمي انقلاب ۾ تبديل ڪري سنڌ جي خوشحالي ۽ آجپي ڏانهن قدم وڌايون.
ٻي صورت ۾ صرف ناچ ۽ گانا اسان جي قسمت ڪونه بدلائي سگهندا. ڏسون ته سنڌي ميڊيا ۽ سنڌ جا ساڃاهه وند هن موقعي کي ڪيئن ٿا سنڌ جي خوشحالي ۾ تبديل ڪن .... !!!!!