ڪُجهه لمحن لاءِ چونڊيل ڪائنات جي سونهن راڻي

[عبدالحفيظ لغاري]

ڪائنات جي سونهن راڻي جو لوگو جيڪو 1998ع ۾ تيار ڪيو ويو.
​

1952ع کان وٺي ڌرتي ۽ دُنيا جي سونهن راڻين کان علاوه ڪائنات جي سونهن راڻي جي مُقابلي کي به خوب پذيرائي ملي ٿي. پر ڪلهه ان وقت دلچسپ صورت ِحال پئدا ٿي وئي جڏهن ڪائنات جي سونهن راڻي ۽ ان جي مقابلي ۾ آيل ٻئين ۽ ٽئين نمبر تي آيل سندرين کي اسٽيج تي سڏيو ويو. ان مهل ڪنهن کي به خبر نه هُئي ته اهو مقابلو ڪنهن کٽيو آهي. فلپائن ڪولمبيا ۽ آمريڪا جي سندرين جي دل جي ڌڙڪن تيز هُئي ۽ کين انتظار هو ان علان جو ته انهن منجهان ڪا هڪ اڄ ڪائنات جي سونهن راڻي چونڊبي. ميزبان اسٽيو هاروي ڪارڊ تي فرسٽ رنر اپ (ٻي نمبر تي آيل سونهن راڻي) کي غلطي سان ڪولمبيا جي سندري جو نالو فاتح طور کنيو ۽ کيس تاج پارايو ويو. هُن اها خوشي اڃان صحيح سان ملهائي ئي نه هُئي ته ميزبان ٻئي لمحي اهو اعلان ڪيو ته کانئس غلطي ٿي آهي ۽ اصل ۾ فاتح فلپائن جي سونهن راڻي آهي. ايئن ڪُجهه ئي لمحن ۾ سندس سر تان تاج لهرائي فلپائن جي سندري کي پارايو ويو ۽ ڪولمبين سندري روئيندي رهي.
يقين انسان غلطي جو گهر آهي ۽ غلطي ڪڏهن به ٿي سگهي ٿي پر ڪا ڪا غلطي زندگي ڀر لاءِ هڪ ڪڙي ياد ۽ اڻ وسرندڙ واقعو ٿي رهجي ويندي آهي. ان واقعي جا ڪئميرا جي اک ۾ محفوظ ٿيل لمحا هتي دلچسپي خاطر ونڊ ڪجن ٿا

ڪولمبين سندري جنهن کي ڪُجهه لمحن لاءِ ڪائنات جي سونهن راڻي هُجڻ جي خوشي نصيب ٿي. پنهنجي مُلڪ جي جهنڊو لهرائيندي خوش ٿيندي

​

اهو لمحو جڏهن ڪولمبيا جي سندريءَ کي ڪائنات جي سونهن راڻيءَ جو تاج واپس وارتو ويو

فلپائن جي سندري ڪائنات جي سونهن راڻي منتخب ٿيڻ کان پوءِ

ميبان اٽيو هاروي جنهن فرسٽ رنر اپ کي فرسٽ ونر سمجهي اعلان ڪيو

هڪ لمحي لاءِ ڪولمبيا جي سندري مسڪرايو جڏهن تاج واپس ورتو ويو

ٻي لمحي هو روئندي رهي

ميزبان جي معافي وارو ٽوئيٽ​

 

[يونس ملڪاڻي]

حد ٿي وئي يار، مائي سان واهه جي ٿي ٻيو، تاج پارائي وري لاهڻ سخت بيواجبي چئبي

 

[عبدالغني لوهار]

ها يار تاج لهرائڻ وقت جيڪا ڪيفيت ڪولمبيا جي راڻي جي هئي ، اهڙي شل ڪڏهن به ڪنهن سان نه ٿئي

 

[سليمان وساڻ]

اها خبر سڀني چينلن تي واهه جو هلي .... پر مائيءَ سان ڏاڍي ڪين

اها ته صفا ڌانڌلي ٿي

 

[عبيد ٿھيم]

ڌانڌلي چئو يا ٻيو ڪجهه.. پر اهو اعزاز به ته آهي ته هُو ڪجهه لمحن لا دنيا جي سونهن راڻي بَڻِي.. جيئن اڳوڻي وزيراعظم يوسف رضا گيلاني کي ڪجهه لمحن جي سزا هُئي. پر هُئي ته سزا !!
اِن ڳالهه تي ايڏو افسوس ڇو پئي ڪري مائي ؟؟ کيس اگر يوسف رضا گيلاني جي سزا جي خبر هُجي ها ته روئي نه ها..