غزل
رضا بخاري
روز ٻي صورت بڻائي دردَ جي
وقتُ ٿو معنيٰ مَٽائي دردَ جي
گهاوَ ڪنهن منَ جا وري آهن ٽِڙيا؟
مُندَ ٿي خوشبو ورهائي دردَ جي
دل کڻي بازار مان واپس وريس
ڪيرُ ٿو قيمت لڳائي دردَ جي
گيتُ ڪو هُن لئه خوشيءَ جو مان چوان
هُو چوي ٿو ڌُن وڄائي دردَ جي
رات جا سُنسان رستا ٿي رُلي
چاندني پوشاڪ پائي دردَ جي
رضا بخاري
روز ٻي صورت بڻائي دردَ جي
وقتُ ٿو معنيٰ مَٽائي دردَ جي
گهاوَ ڪنهن منَ جا وري آهن ٽِڙيا؟
مُندَ ٿي خوشبو ورهائي دردَ جي
دل کڻي بازار مان واپس وريس
ڪيرُ ٿو قيمت لڳائي دردَ جي
گيتُ ڪو هُن لئه خوشيءَ جو مان چوان
هُو چوي ٿو ڌُن وڄائي دردَ جي
رات جا سُنسان رستا ٿي رُلي
چاندني پوشاڪ پائي دردَ جي