نئين سال جو تحفو _ استاد بخاري

[سجاد علي چنا]

استاد جي ارداس، نئين سال جو تحفو
مايوس کي ڏي آس، نئين سال جو تحفو

پرڀات جي پردي ۾ ڪري بند مُڪو آ،
اڌ رات ڏي آڪاس، نئين سال جو تحفو

ڪي_ٽُو کي ملي برف، مليا سج کي بادل،
۽ ٿر کي ملي تاس، نئين سال جو تحفو

تخريب ۽ تعمير ڀريو ٿالهه ورهائِن،
هي وهم هي وشواس، نئين سال جو تحفو

کڻ صبح سويري سان نئين نُور جا ڪرڻا،
وٺ واءَ وٽان واس، نئين سال جو تحفو

استاد جي تقرير ۽ تحرير ۾ آهن،
احساس ئي احساس، نئين سال جو تحفو

استاد بخاري

 

[غلام مرتضى ٿهيم]

سجاد علي زبردست ادا
توهان کي نئين سال جون مبارڪ هجن
احساس ئي احساس نئين سال جو تحفو