سنڌ ملڪ ءِ سنڌ کان ٻاهر رهندڙ سمورا سنڌ سان پيار ڪندڙ سنڌ جو پاڻي پيئندڙ، ان کائيندڙ شهريت مان فائيدو حاصل ڪندڙ ڀائرو ڀينرو گھر شماري ۾ زندگي موت جو مسئلو سمجهي گھر شماري ۾ حصو وٺو سنڌي سرائيڪي گجراتي مارواڙي ڪڇي بلوچي پنجابي پشتو اڙدو سميت سموريون ٻوليون ڳالهائيندڙ سنڌ ۾ رهندڙ ڀائرو نفرت تعصب تنگ نظري کان هڪڙي پل لاءِ پاسي ٿي ٻولي جي خاني ۾ سنڌي لکرايو ڇو ته سنڌ ۾ تعليم علاج روڊ قانون انصاف ءِ شهريت جو فائدو اوهان اسان سمورن کي ملي ٿو اسان اوهان جو مقدر هاڻ سنڌ سان لاڳاپيل آهي سنڌ ماءُ آهي جنهن جي سيني تي پلجي اسان جا نسل وڏا ٿين ٿا ءِ ڪاميابي شهريت جي بلندين تي پهچن ٿا وڏا عهدا ڪاروبار ءِ وڏيون نوڪريون ماڻين ٿا، چاليه پنجاه سالن ۾ شهرن ۾ رهندڙماڻهو ّخوشحال زندگي گذارين ٿا، پر سنڌ جون ٻهراڙيون اڄ به قبائلي دور جو ڏيک ڏيئي رهيون آهن جتي نه روڊ آهن نه اسڪول نه اسپتالون نه صاف پاڻي ءِ نه ئي بيماري مان نجات حاصل ڪرڻ لاءِ علاج اچو ته سموري سنڌي عوام کي گڏ وٺي باشعور بنايون ملڪ جي باني محمد علي جناح صوبن کي اسٽيٽ جو درجو ڏنو هو جيڪا اسٽيٽ پنهنجي سمورن وسيلن جي پاڻ مالڪ هوندي، پر ڊڪٽيٽرن جي قبضي اسان کي غلامي جي اوڙاه ۾ اڇلي ڇڏيو، اچو ته انهن سمورين ناانصافين بک بدحالي بيمارين جهالت نفرت ءِ تعصب مان نجات حاصل ڪرڻ لاءِ گھر شماري ۾ وطن جا حلالي فرزند ٿي ڪردار ادا ڪريون
