هڪڙو ماڻهو ڊاڪٽر وٽ ويو ۽ چيائينس: ”ڊاڪٽر صاحب، رات جو منهنجي حالت ڏاڍي خراب ٿئي ٿي؛ فقط هن ڪري، جو ننڊ ۾ خراب خواب ڏسان ٿو؛ پوءِ ته منهنجي حالت ڏاڍي وحشتناڪ ٿئي ٿي.“ ”مار!“ ڊاڪٽر چيو، ”ڀلا، ان وقت تنهنجو ساهه به تيزيءَ سان ٿو هلي؟“ ”ٺيڪ ٿا چئو، ڊاڪٽر صاحب!“ ”مٿي کان وٺي پيرن تائين سڀ عضوا به ڏڪندا هوندءِ؟“ ”ائين سائين.“ ”ڀلا، ڏند به سڄا ڌڏندا هوندءِ؟“ اتي بيمار ڪجهه دير لاءِ مٿو کنهڻ لڳو ۽ پوءِ ڊاڪٽر کي چيائين ته ”سائين، اها خبر ڪانهيم، ڇاڪاڻ ته سمهڻ کان اڳ، آءٌ پنهنجا ڏند ڌوئي، وهاڻي هيٺان رکي سمهندو آهيان.
