خبرون تي ٽيڪاٽپڻي / محمد خان سيال / 01 فيبروري 2016

[محمد خان سيال]

* پٽاٽا 5 روپيا ڪلو آهن، وڃي مارڪيٽ کان پڇو؟ وزيراعظم نواز شريف (خبر)
* * هڪ ته 5 روپيا آهن ڪونه، ٻيو ته ايترو اگھه گهٽ هوندو ته آبادگارن سان ظلم ٿيندو (تبصرو)

* وفاقي سرڪار مال بڻائڻ ۾ مصروف آهي: اعتزاز احسن (خبر)
* *....۽ شايد آصف زرداري اوهان جي نظر ۾ فرشتو آهي (تبصرو)

* ايم ڪيو ايم جي ڊاڪٽر زيب ساٿين سميت پي ٽي آءِ ۾ شامل (خبر)
* * ..خدا ڪير ڪري ۽ بند ٻوريءَ جي لاش کان کيس بچائي (تبصرو)

* ٽماٽن جي فصل ۾ بيماريءَ سبب آبادگار پريشان آهن (خبر)
* * جيئن سنڌ جو عوام زرداريءَ جي بي مهارڪرپشن کان پريشان آهي (تبصرو)

* اشتهار: نشو هاڻي نه، ڪڏهن به نه، هرگز نه (خبر)
** پهريان ٻڌايو ته انهيءَ ۾، ڀنگ جو نشو به شامل آهي يا نه (تبصرو)

* وزيراعظم سان جھيڙو ناهي، وزيراعظم تعاون ڪونه ٿو ڪري: وڏو وزير (خبر)
* * تعاون به ناهي ۽ جھيڙو به ناهي، عوام کي ڀوڪ ٿا سمجھو ڇا؟ (تبصرو)

* مان اڄ به عذير بلوچ کي پنهنجو ڀاءُ سمجھان ٿو: ذوالفقار مرزا (خبر)
* * اوهان کي پنهنجي ڀاءُ جي ڪارنامن جي خبر هوندي جنهن 60 سنڌي ڪڇين کي قتل ڪيو؟(تبصرو)

* بهار، هندوستان ۾ چيف منسٽر تي جوتيَ سان حملو(خبر)
* * ٻيو ته ٺهيو پراسان وٽ ته ڪنهن ۾ ايڏي به همت ڪانهي (تبصرو)

* عذير بلوچ ڪير آهي، مان نٿو سڄاڻان؟ نثار کھڙو (خبر)
* * ڪم لٿو، ڊکڻ وسريو، اها اوهان جھڙن جي پراڻي عادت آهي (تبصرو)