هن سونهن جا سلامي

[رسول بخش دائودپوٽه]

هن سونهن جا سلامي
________________
هن سونهن جا سلامي ٿي ويا سڀ حامي
ڪهڙو ڏوه پنهنجو ڇو ڪين ڏيون غلامي .....
روح جنهن لئه آتو سون ۾ مون سڃاتو
اهڙو گلاب جو گل اندر پيو اڀامي
خلقن ۾ خلق ڳوليو کستوري روح کوليو
سڪ ساءُ آهي اهڙو نه سوچي ٿو بدنامي
جنهن ساڻ جرڪيو آ جهان روشنين ۾ پيو رهان
اندر سڀ اجاري نه بره باه اجهامي ...
هي جيءَ جو جياپو ڪهڙو ڪجي پو ماپو
هن سان دلين جي رونڪ هي عشق آ الهامي
هن سونهن جا سلامي ....
رسول بخش دائودپوٽه