دستور نئون ڪو ٺاهيون...

[رسول بخش دائودپوٽه]

قانون سڀ مٽايون
دستور نئون ڪو ٺاهيون
جنهن ۾ نه ظلم ٿي ڪو
اهڙو وچور چاهيون
حق سنڌ جا سڀ وسيلا
سنڌي بک گهارين ويلا
سڀ غير کي ڀڄايون
دستور نئون ڪو ٺاهيون...
آسودو سڀ سنڌي ٿي
هت غير تي بندي ٿي
دنيا کي هي ٻڌايون
دستور نئون ڪو ٺاهيون
زرخيز هت زمين آ
هت ڪين ڪا ڪمي آ
غربت ۾ ڇو پو آهيون
دستور نئون ڪو ٺاهيون
نه مانجهي ڪو مري هت
بي موت ٿي ڀري هت
آشا اها اٿايون
دستور نئون ڪو ٺاهيون
پنهنجن ۾ پيار پيار ٿي
ويڇو وٿي نه وار ٿي
محبت ۾ دل ملايون
دستور نئون ڪو ٺاهيون
سنڌ تيل گيس ۾ پر
سنڌ سک جو ٿي پوي سر
اهڙو ڪو گيت ڳايون
دستور نئون ڪو ٺاهيون
سڀ شهر ڳوٺ سنڌ جا
سڀ پيار پير پنڌ جا
مالڪ اسان ئي آهيون
ڪلور ٿين پيا سنڌ سان
امڙ جي جيجي جند سان
هيلا وري هلايون
دستور نئون ڪو ٺاهيون
دستور نئون ڪو ٺاهيون
ويرن ولر وڌي ويا
ڇو غير هت اچي ويا
اهو پاڻ کي سمجهايون
دستور نئون ڪو ٺاهيون
دريا ءُ سنڌ سڪي ويو
هت جر به هيٺ ٿي ويو
دريا لاءِ دانهيون
دستور نئون ڪو ٺاهيون


رسول بخش دائودپوٽه