تجريدي نظم*ڊاڪٽر ذوالفقار علي*

[عبدالرحيم گجراڻي]

عنقريب عقل جي نقل جو ڪاڄ ٿيندو!
ڪافي حاجي غازي وڏو ميلو مچندو!
ڪويتا نچندي
کچڙي پچندي
صنفن جو وات مٺو ڪرائڻ
لاء مٺايون ڪيڪ بہ ھوندا
ڪي ديسي
ڪي ولايتي
پيڪ بہ ھوندا
ان محفل ۾ مان ھوندس!
باقي سڀ مھمان ساڳيا ھوندا
چور بہ ھوندا تہ ڀاڳيا بہ ھوندا
سونو چمچو
پراڻو تمنچو
سڀئي گڏ ھوندا
فنکارن جو اتي وڏو راڳ رنگ بہ ٿيندو!
عنقريب عقل جي نقل جو ڪاڄ ٿيندو!