خبرون تي ٽيڪاٽپڻي / محمد خان سيال / 19جمعو فيبروري 2016

[محمد خان سيال]

* ڪنڌ ڪوٽ ۾ عورتن سان ظلم عروج تي آهي: صوبائي محتسب اعلى (خبر)
* * اوهان کي عورتن تي ٿيندڙ ظلم جي ته خبر آهي، پر قائم علي شاهه کي ناهي..!! (تبصرو)

*سجاول ۾ گٽر 3 ورهين جي ٻار جي حياتي کسي ورتي (خبر)
* * ڪراچيءَ وانگيان قائم علي شاهه جي گٽرن تي تصوير ٺاهيو ته ڍڪڻا پاڻهي لڳي ويندا (تبصرو)

*سعودي اتحاد ۾، پاڪستان جي ڪردار جي خبر ناهي: پرڏيهي صلاحڪار (خبر)
* * .....اجايو هر مامري تي سنڌي ڪنوار وانگيان اکيون ٻوٽي هاڪار ته نه ڪريو (تبصرو)

*ڪراچيءَ ۾ گھميل هوائون، نگاهه واري حد گھٽجي وئي (خبر)
* * اسان جي حڪمرانن جي هر موسم ۾ نگاهه واري حد گھٽ ٿي ويندي آهي (تبصرو)

* شير جي پڇ تي گينڊي جو پير اچي ويو ته راڻا ثناءَالله کي مرچون لڳي ويون: شيخ رشيد (خبر)
* * راڻا ثناءِ الله کي مرچيون ته لڳي ويون پر ٻڌايو ته ڪهڙي هنڌ؟ (تبصرو)

* زرداري، بلاول کي پنهنجي سياسي ٽيم چونڊڻ جو اختيار ڏنو (خبر)
* * زرداريءَ جي سوکڙي قائم علي شاهه ۾ هٿ وجھندو ته پوءِ بلاول جو به ڏچي ۾ پوندو (تبصرو)

*لڳي ٿو نيب پنهنجي چيئرمن جي ڪنٽرول ۾ به ناهي: نجم سيٺي (خبر)
* * سچ ٿو چوين يا وزيراعظم نواز شريف جي ونگار ٿو وهين؟ (تبصرو)

*سنڌ جون 50 جايون ريلوي ڦاٽڪ کان محروم (خبر)
* * هجي ڪو سنڌ جو ڌڻي سائين ته رڙيون دانهون ڪجن (تبصرو)