هي دنيا هل چل جي بستي هتِ ماڻهو ايندا ويندا هِن،سائين جمن دربدر

[عبدالرحيم گجراڻي]

هي دنيا هل چل جي بستي هتِ ماڻهو ايندا ويندا هِن،
چار گهڙيون مهمان رهي پر لوڪ پداري ويندا هِن،
اڪثر ماڻهو بعد مرڻ جي ياد ڪنهن کي ايندا هِن
ڪي ڪي ماڻهو تاريخن ۾ نقش اڀاري ويندا هِن
اڪثر ماڻهو موت جي ڊپ کان هر هر جيئندا مرندا هِن
ڪي ڪي ماڻهو جيئندي جيئندي موت کي ماري ويندا هِن،
اڪثر ماڻهو پاڻ جيئڻ لاء قوم کي ماري ويندا هِن،
ڪي ڪي ماڻهو مرندي مرندي قوم جيئاري ويندا هِن،
اڪثر ماڻهو مَتِ جا موڙا پاڻ نه پنهنجا ٿيندا هِن
ڪي ڪي ماڻهو نسلن جي تقدير سنواري ويندا هِن
اڪثر ماڻهو مستانن تي ڪوڙي فتوا ڏيندا هِن
ڪي ڪي ماڻهو انلحق جي تنڌ تواري ويندا هِن
اڪثر ماڻهو عهدي خاطر پاڻ وساري ويندا هِن
ڪي ڪي ماڻهو دربدر ٿي وقت گذاري ويندا هِن

 

[عرس پريو]

بيشڪ

 

[عبدالغني لوهار]

سهڻا خيال

 

[عبيد ٿھيم]

اهي سٽون مونکي سائين جمن جي پنهنجي آواز ۾ ٻڌڻ جي سعادت حيدرآباد ۾ نصيب ٿي...
زبردست ونڊ.. جاري رکو

 

[گل حسن لاکو]

بهترين لفظ