عامر راز فيسبوڪ تي لکي ٿو:
جيڪڏهن دوست Google Translate جي self-proclaimed هيروز جي سحر مان نڪتي هُجي ته ڪجهه اصل معاملن جي به ڳالهه ڪجي؟ صحيح آ.
سو، دوستو، خبر اها به آهي ته Wordpress.com به سنڌي ٻولي کي شامل ڪري ڇڏيو آهي ۽ هاڻي سنڌي چونڊڻ سان سڄو Wordpress.com جو فارميٽ RTL ۾ تبديل به ٿي وڃي ٿو. پلئٽفارم جي سنڌيڪاري جاري آهي، پر عرض آهي ته جن دوستن کي سنڌي ۽ انگريزي سان گڏ Wordpress.com جي چڱي ڄاڻ آهي، صرف اُهي ئي هن جي ترجميڪاري ۾ حصو وٺن ته سنڌيڪار دوستن جو ڪم وڌڻ بدران گهٽبو. تنهنڪري منهنجو سنڌي ٻولي لاءِ پيار پنهنجي جاءِ تي پر چيچ ڪٽرائي شهيدن ۾ نالو لکرائڻ بدران سنڌيڪار دوستن جي اخلاقي همٿ افزائي به ڪيان تڏهن به ٺيڪ رهندو. باقي نه ته Google Translate ۾ ٿيل سنڌي سان ويڌن ڪنهن کان لڪل آهي.
آخري ڳالهه ته نه مان نه ئي ڪو ٻيو Wordpress.com جو هيرو آهي. ڪميونٽي پراجيڪٽ آهن، سڀني جو حصو هوندو آهي. ماڻهن کي گمراهه نه ڪبو.
اها به گذارش آهي ته سنڌ سلامت جهڙن فورمن تان دوستن کي هاڻي Wordpress.com تي پنهنجي مفت سائٽ يا بلاگ ٺاهڻ جي درخواست ڪجي ته جيئن سنڌي ٻولي جو مواد وڌي سگهي.
جيئي سنڌ!
سندس بلاگ جي لنڪ
