هولي سنڌ جو زرعي تھوار سنڌيءَ ۾ هولو چوندا آهن ڪڻڪ جي داڻي جي ابتدائي شڪل کي جڏهن ان جو رنگ ڪڻڪائون ٿي ويندو آ، لذت اچي ويندي اٿس ۽ نرم هوندو آ رسيل شڪل بلڪل ڪڻڪ جي داڻي جي وٺي چڪو هوندو آ بس رس سڪڻ جي دير هوندي آ سڪل رس واري حالت ۾ داڻو نرم هوندو آهي ۽ ان وقت سنگ کي آڀون چئبو آهي ڪڻڪ جا هولا ڪچا کائبا آهن تريءَ تي مھٽي ڦوڪ ڏئي ۽ آڀون وري پچائي يا باه تي سيڪي تريءَ تي مھٽي ڦوڪي کائبا آهن اسان ٻاراڻي توڙي جوانيءَ ۾ اهي. ٻئي مزا ماڻيا آهن ڪونج ڪڻڪ جا هولا ۽ آڀون ڪهڙي ڳالھ ڪيان هي تھوار ٻوڏ ۽ وٺي تي آبادي ڪندڙ هاري پنھنجي ڪڻڪن ۾ اَنُ (هولو) پچڻ جي خوشيءَ ۾ ملھائيندا هئا جنھن هاريءَ جي ڪڻڪ ۾ هولا تيار ٿيندا هئا ان کي داڻن جو آسرو هوندو هو هتان جا اڪثر شھري غير مسلم هئا ۽ اڪثر مسلم علائقن ۾ اها ريت ڪونه هئي انڪري ٻاهران آيل ماڻھن لاءِ هي تھوار اوپرو هيو نتيجي ۾ اسان جي زرعي تھوار کي مذهبي رنگ ڏئي پرائو ڪيو ويو اچو ته پنھنجا تھوار ورايون نوان تھوار قائم ڪرڻ سٺي ڳالھ آهي پر پراڻن کي ياد رکڻ پڻ اسان جو فرض آهي
ادا سنڌ جو زرعي ڏينهن يا ثقافتي ڏينهن ، پاڪستان جي آزادي جو ڏينهن يا ٻيا ڪيترائي ڏينهن مثلن علامه اقبال ، قائد اعظم ، يا سنڌ جي شخصيتن جا ڏينهن ، ذوالفقار علي ڀٽو صاحب ، محترمه بينظير ، ۽ سورهين ، سورمن جا ڏينهن وغيره اسان ملهائيندا آهيون ، پنهنجي پرين پيارن جا سالگره ۽ ورسي جا ڏينهن ڪيڪ ڪاٽي ميڻ بتيون ٻاري انهن کي ڀيٽا پيش ڪندي به ملهائيندا آهيون . ۽ هاڻي مزدورن جو ڏينهن ، مائرن جو ڏينهن ، فادرس ڏينهن ، عاشقن جو ڏينهن وغيره به ملهائيندا آهيون ، مگر ادا افسوس جو اسانجي آقا سيدنا محمد صلي الله عليه وسلم جن جو ڏينهن مبارڪ جڏهن ايندو آهي ته شرڪ ۽ بدعات جون فتوائون ڏئي رد ڪري ڇڏيندا آهيون ، انھ ڳالھ ۾ ڪوبه شڪ ڪونهي ته ڪجھ ماڻهون بدعت جو ارتڪاب ڪن ٿا ، واقعي تاريخ جا به اختلاف آهن ، مگر ادا اهو سارو برڪتن ۽ ڀلاين جو مهينو جنهن ۾ خير خيراتون ڪري هڪ ٻئي جي ۽ غريبن جي گهرن ۾ مانِڙي ويندي هئي ، جيڪا اڄ بند ڪرڻ جي ڪوشش ڪئي پئي وڃي ، اڄ اسان شعائر الله بابت ته پنهنجي پنهنجي راءِ قائم ڪيون ٿا مگر مٿين مذڪور ڏينهن ملهائڻ ۾ ڪا راءِ ڪانهي ، رهنمائي جي درخواست ڪجي ٿي
