تنهنجي تڪ تيز نگاهن کان بچو ڪو ڪونهي

[عرس پريو]

غزل

استاد بخاري​

تنهنجي تڪ تيز نگاهن کان بچو ڪو ڪونهي
ڇو ته هر تير لڳو ٺيڪ گٿو ڪو ڪونهي

عشق جي آڳ ڪچهريءَ کي بنايو آوي
جو هتي آ سو پڪو آھ ڪچو ڪو ڪونهي

سونهن ۽ نينهن جي سڀ ڪنهن کي سڃاڻپ آهي
ايترو يار صفا ٺوپ انڌو ڪو ڪونهي

ڪو ٻري پيو ڪو ڳري پيو ڪو ڀري پيو آهون
تنهنجي پاڙي ۾ سڄي رات ستو ڪو ڪونهي

عشق جو آند نه ڪو پاند ٻُڌون ٿا ”استاد“
سونهن جي ذات نه ڪا پات پتو ڪو ڪونهي​

​

 

[عبدالغني لوهار]

سهڻي چونڊ ، لک قرب ادا