شاعر هڪڙو خواب ڏسي ٿو

[Kashif ahmed]

رات ٿئي ٿي
ننڊ اچي ٿي
من کي پياري
مُنڊَ اچي ٿي
گهاٽيون گهاٽيون
واديون آهن
سُندر ڏاڍيون
ساديون آهن
گاههَ لڳن ٿا
گهرا گهرا
ڌرتيءَ پاتا
ڄڻ هِن سهرا
گُل گُل بيٺو بهار جو ڄڻ باب ڏسي ٿو
شاعر هڪڙو خواب ڏسي ٿو

جهومي پريون
پَر ڦهلائن
گيت خوشي جا
ويٺون ڳائن
آد جڳادي
سهڻي وادي
مشڪ عنبر سان
واسيل سادي
مان ڏئي ٿي
گيت رچي ٿو
ساهن منجهه
سُرور اچي ٿو
جنتَ جو من
سارو شوق شباب ڏسي ٿو
شاعر هڪڙو خواب ڏسي ٿو

وهنجي ناري
وارَ ڇنڊي ٿي
ڄڻ رابيلن
هارَ ڇنڊي ٿي
مستيءَ جو ڄڻ
جُهڙ ٿوڇانئي
هن کي ئي من
هن کي چاهي
مَن ڄڻ ڦاٿو
ڀـــا لن ۾ آ
آگم نــيڻَ
غزالن ۾ آ
ڇُل ڇُل ڇلندڙ
مِٺڙي مڌ ، شراب ڏسي ٿو
شاعر هڪڙو خواب ڏسي ٿو

خواب ته هڪڙو
خواب هجي ٿو
جهٽ کان پوءِ
عذاب هجي ٿو
ســــارا سپنا
شيشـــي وانگر
ڪِرچيون ڪِرچيون
شيشـــي وانگر
ائين لڳو ڄڻ
سڀ اتفــــا قي
ڇا ڇا بچندو
ڪجهه به نه باقي
ياد ـ نگر ۾
پوڙهو ڄڻ ته شباب ڏسي ٿو
شاعر هڪڙو خواب ڏسي ٿو



حسام ميمڻ

 

[نثارناز]

جواب: شاعر هڪڙو خواب ڏسي ٿو

پيار ڪاشف شال جُڙيو هُجين! لک لائق جو توهان سنڌ جي تمام بهترين شاعر محترم حسام ميمڻ جو نظم سنڌ سلامت جي محبتي اڱڻ تان ساري دنيا جي سنڌين سان ونڊ ڪيو۔ توهان کي تمام گهڻيون شاباسون ۽ محترم حسام ميمڻ کي واڌايون جو پنهنجي خوبصورت لفظن سان اسان سڀني سنڌ واسين جا من معطر ڪندو اچي۔

 

[ناصر علي]

جواب: شاعر هڪڙو خواب ڏسي ٿو

واه ڪاشف سائين زبردست شاعري آهي