سڄو سال سنڌ جي تعليمي تباهي تي ڪالم لکندڙ اديب، تعليم جي ڀلائي تي سيمينار ڪندڙ دانشور، پڙهيل لکيل ۽ با شعور نئين ٽهي پيدا ڪرڻ جا دعوا ڪندڙ سياستدان، سنڌ جي اسڪولن ۾ سنڌي استادن جي تعليم ڪشي ته به خوش ته سنڌ جي اسڪولن ۾ هلندڙامتحانن دوران نقل تي بلڪل ننڊ پئجي ويندا آهن. يا وري موڪل تي هليا ويندا آهن. ڪو به ڪونهي جو هن بربادي تي ڪو عملي قدم کڻي.. ڪو اسڪول انتظاميه کي فرض ياد ڏياري.. ڪنهن سياسي يا سماجي پارٽي جا ڪارڪن ئي امتحاني مرڪز ٻاهران بيهي ڪاپي جو مواد کڻڻ کان روڪن يا نقل لاء ايندڙ مددگارن کي روڪن.. قانوني ادارا ئي ڪو پنهنجو فرض ادا ڪندي بد انتظامي کي روڪن.. تعليمي آفيسرن کي پنهنجو فرض ياد ڏيارڻ ته بي سود آهي.. پر سنڌ جي درد جا راڳ آلاپيندڙ پنهنجي فرض جي امتحان ۾ فيل آهن.. اسان سڀ ناڪام آهيون.. موهن جي دڙي جي تهذيب تي ناز ڪرڻ سان، يا اجرڪ ٽوپي پائي نچڻ سان قوم جي ترقي ممڪن ڪانهي .. ترقي جي لاء محنت شرط آهي.. محنت لاء ايمانداري ۽ سچائي جو هجڻ ضروري آهي..
ڪاش ته اسان سجاڳ ٿيون ! ۽ پنهنجي ذميوارين جو احساس ٿئي ، اسان سڀئي اگر گڏجي نه ته انفرادي طور تي ئي ڪوشش ڪيون ته به ڪافي بهتري ٿي سگهي ٿي
