ايوب کوسو سدائين رکي ٿئون هي ڇاتي وڏي

[سليمان وساڻ]

غزل

ايوب کوسو

سدائين رکي ٿئون هي ڇاتي وڏي
ڀلي آزمائي ڪو ڪاتي وڏي ..!

دريائن جي ويجهو رهياسين اڃايل
ڪئي وقت ويساهه گهاتي وڏي.!

اڃان هوءَ اندر جر شهر ۾ رهي ٿي
اڃان هن لئه دل آهي آتي وڏي.!

اُها آ اسان جي اُميدن جي خوشبو
وري جنهن سڳي آهي پاتي وڏي

پرين زرد موسم نهوڙي ڇڏيندي
ائين دير جيڪر تو لاتي وڏي.!

وڇوڙن کي آخر سنڀالي به وٺبو
رهي پيار جي شل حياتي وڏي.!

​

 

[خدابخش مشاخ]

تمام بھترين غزل

 

[عاشق سولنگي]

دريائن جي ويجهو رهياسين اڃايل
ڪئي وقت ويساهه گهاتي وڏي.!

ايوب کوسو جي تمام بهترين شاعري.

 

[سيد خادم سبحان ڏاڏاهي]

ايوب هن دور جو تمام وڏو شاعر آهي ___ لاجواب