نثارابڙو
نائب منتظم
سعودي عرب جي پاڪ ۽ سهڻي شهر مڪي ۾ آباد پراڻا سنڌي، جيڪ هن وقت سعودي ٿي ويا آهن، جيتوڻيڪ سنڌي ڳالهائي نه سگهندا آهن ۽ سنڌ گهمڻ به نه ويندا آهن پر کين ڪنهن ڪنڊ ۾ اڃان به سنڌيت جا ڪرڻا موجود آهن ۔۔۔ انڪري جو مڪي شريف ۾ رهندڙ صدقه سنڌي جڏهن مونسان مليو ۽ کيس خبر پئي ته آ سنڌي آهيان ته هن مونکي پنهنجو سوٽ چيو ۽ پنهنجائپ جو اظهار ڪيو، ۽ سنڌ گهمڻ جي خواهش ڏيکاري ۔۔۔ جنهن مان محسوس ٿيو ته اڃان سندن ذهن ۾ سنڌيت جا ڪي ڪرڻا موجود آهن۔
سعودي عرب مان نڪرندڙ انگريزي اخبار عرب نيوز ۾ اڄ سندن ئي خاندان جي هڪ نياڻي ڊاڪٽرياڻي حيات سنڌي جي هڪ خبر شايع ٿي ته مونکي فخر ٿيو ته ان عورت جنهنجي نالي سان سنڌ جو نالو جڙيل آهي تنهن عرب دنيا ۾ نالو روشن ڪيو آهي۔ مونکي لڳو ته ڄڻ سنڌ جو نالو روشن ٿيو آهي ۔۔۔
ڀيڻ محترمه حيات سنڌي بايوٽيڪنالاجي ۾ ڊاڪٽريٽ ڪئي آهي، جيڪا عرب دنيا ۾ ڪنهن عورت جي ان مضمون ۾ پهرين ڊاڪٽريٽ آهي ۽ هي صاحبه سعودي عرب جي بهترين سائنسدان عورت آهي۔ تحقيق جي ميدان ۾ ڪيترائي ٻلا ۽ انعام کٽي سڄي عرب دنيا ۾ نالو روشن ڪري چڪي آهي۔۔۔
دوستو! جڏهن قومون آزاد هونديو آهن ۽ قومن جي هر فرد کي هر قسم جا وسيلا ميسر ٿيندا آهن ته پو معجزه ٿيندا آهن ۽ فردن جي روشني قومن کي چمڪائيندي آهي ۔۔۔ جيئن هڪ سنڌياڻي عرب دنيا ۽ خاص ڪري سعودي عرب جو نالو روشن ڪيو آهي ۔۔۔۔
منهنجو کي سلام آهي ۔۔۔۔
