ڀٽو صاحب مون کان بهتر انگريزي لکي، پڙهي ۽ ڳالهائي سگھي ٿو: هينري ڪيسنجر

[محمد خان سيال]

شهيد ذوالفقار علي ڀٽو هڪ اهڙو عالمي اڳواڻ هو جنهن جي صلاحيتن، ذهانت ۽ قابليت کي دوست توڙي دشمن به مڃيندا هئا. ٻيو ته ٺهيو پنهنجي دور جي مشهور آمريڪي پرڏيهي وزير هينري ڪيسنجر به مڃيو هو ته شهيد ذوالفقار علي ڀٽو کانئس بهتر انگريزي لکي، پڙهي ۽ ڳالهائي سگھي ٿو (حوالو: ويڪلي فار ايسٽرن ايڪانامڪ رويو، هانگ ڪانگ).

تن ڏينهن ۾ مان روزاني هلال پاڪستان، ڪراچيءَ ۾ سب ايديٽر هوس ۽ مون پاڻ ڪيسنجر جي انٽرويو جي بنياد تي اهڙي خبر تيار ڪئي هئي ـ ياد رهي ته هينري ڪيسنجر آمريڪي پرڏيهي وزير بڻجڻ کان اڳ، پروفيسر هو.