ڪوٽڙيءَ جي تاريخي ريلوي پُل

[سليمان وساڻ]

ڪوٽڙيءَ جي تاريخي ريلوي پُل

هيءَ پُل ڪوٽڙيءَ ۽ حيدرآباد وچ ۾ سنڌو درياءَ تي ساڄي ۽ کاٻي ڪنارن کي ملائيندڙ ريل يا زميني رابطي جو ذريعو ۽ تعميراتي شاهڪار آهي. سن 1900ع ۾ هيءَ پُل مڪمل ٿي ۽ ٽريفڪ لاء کولي وئي. وچ تي سنگل ريلوي ٽريڪ ۽ پاسن کان ٻٽو ٽريفڪ ٽريڪ رکندڙ هيءَ پُل پنهنجي عمر جي سينچري مڪمل ڪري ڊبل سينچري طرف گامزن آهي.
هن پل جي ٻيهر مرمت ۽ تعمير 1931 ۾ مڪمل ٿي. هن پل کان اڳم ريلوي ٽريڪ ڪراچي کان ڪوٽڙيءَ تي ختم ٿيندو هئو. زميني رابطو پتڻ تي ٻيڙين ذريعي ٿيندو هئو. هن پل جا پلر 60 فوٽ زمين اندر آهن ۽ مٿان لوهه جا ديو قامت ڇھ اسپين جن جي ڪل ڊيگهه 1948 فوٽ آهي. ان تي نٽ بولٽ سان انتهائي مظبوط ۽ پائدار ڪم ٿيل آهي. باهمي ملندڙ لوهي پلر به وڻندڙ ڏيک ڏين ٿا. پاڻي سُڪل هجي ته گدوءَ طرف هيٺ لهي پل جي هيٺان بيهي لگهندڙ ريل جو مشاهدو ڪيو انتهائي رومانوي لڳندو.

سائين شبير احمد قريشيءَ جي ٿورن سان

 

[عبدالغني لوهار]

مغلن جي تاريخي تعميراتي شاهڪارن کانپوءِ انگريزن به ڪافي مظبوط تعميراتي ڪم ڪرايا مگر پاڪستان ٺهڻ کان پوءِ انهن شاهڪارن جي صحيح نموني حفاظت ۽ مرمت ڪڏهن نٿي سگهي آهي