آزاد نظم دوستن اڳيان پيش. اصلاح خاطر تنقيد جي اوسيئڙي ۾: عبدالغني بجاراڻي.

[عبدالرحيم گجراڻي]

آزاد نظم دوستن اڳيان پيش.
اصلاح خاطر تنقيد جي اوسيئڙي ۾.

زندگي هڪ رف ڪاپي

سمجه ۾ نه ايندڙ
زندگي جي ڄار ۾
خيالن جي انتشار ۾
آءُ ڇو ڦاٿل آھيان !

سا ڳاله اڄ سمجه ۾ آئي
ڪاليج جي دَور جي
رف ڪاپي هٿ آئي،
هزارين بيڪار لڪيرون
ڄڻ ته مقدر تي ڏنل هيون،

هر صفحي تي
اڻپوري ڳاله
اڌورا خيال
پوءِ ياد آيم

ته ڪنهن هڪ ڳاله
يا هڪ خيال جي
فيئر ڪاپي ٺاهي نه سگهيس
ايئن زندگيءَ جا لقاءَ
پيچيده ٿيندا رهيا
۽ الجهندا رهيا.