ڪافر

مختصر ڪهاڻي

ڪافر
(فهيم فدا شورو - مسڻ وڏي)

… … … هو جيئن ئي ڪمري ۾ داخل ٿيو ته ڪمري جي هرهڪ ڪنڊ ۾ شريف النفس ويٺل ڏٺائين. دليلن جي ڀرمار جي نتيجي ۾ منجهن پيدا ٿيل تلخ ڪلامي مذهبي ڪٽرپڻي تي اچي ڇيهه ڪيو. سمورا شريف النفس هاڻي هڪ ٻئي تي ڪُفر جون فتوائون فِٽ ڪرڻ ۾ جُنبي ويا. هڪ پاسي سُني شيعي کي ۽ شيعو سُني کي ڪافر چوڻ ۾ مشغول، ته ٻي پاسي ديوبندي بدعتي کي ۽ بدعتي ديوبندي کي ڪفر ڏي ڌِڪڻ لاء سندرو ٻڌي بيٺل.

ڪمري ۾ اها ڪشمڪش ڏسي، هو پنهنجو دلي فيصلو ڪري ٻاهر نڪري ويو ته ”هي ته هڙيئي ڪافر آهن.“