سامسنگ جو نئون فليگ شپ اسمارٽ فون گليڪسي نوٽ جي حوالي سان ڪو باضابطه اعلان ته ناهي ٿيو پر هِن ڊوائيس جون تصويرون ۽ ٻي معلومات لِيڪ ٿِي سامهون اچي وئي آهي.
جي ها! اڪثر سمارٽ فونز جون تصويرون ۽ تفصيل ليڪ ڪرڻ واري ايون بلاس سامسنگ جي نئين گليڪسي نوٽ فون جون تصويرون ٽوئيٽ ڪيون آهن جنهن ۾ اُن جي نالي جو اشارو واضح طور موجود آهي.
هي نئون سمارٽ فون ٽِن مختلف رنگن ۾ پيش ڪيو ويندو ۽ هِي ايندڙ مهيني ۾ ڪنهن به وقت متعارف ڪرايو ويندو.
5.7 انچ جي ڪواڊ ايڇ ڊِي سپر اموليڊ ڊسپلي واري هِن سمارٽ فون ۾ گليڪسي ايس.سيوَن ايج وانگيان ڊوئل ايج اسڪرين موجود آهي.
اهڙيءَ طرح 6 جِي بِي ريم، 3600 کان 4 هزار ايم.اي.ايڇ بيٽري، 12 ميگا پگسلز رئير ۽ پنج ميگا پگلسز سامهون واري ڪيمرا، نئون آءِ_آر_آءِ_ايس اسڪينر، آي_ٽريڪنگ ٽيڪنالاجي، آءِ_پِي سڪس ايٽ ريٽڊ واٽر ريززٽنس ۽ 64 گيگا بائٽ اسٽوريج جهڙا فيچرز هِن ۾ شامل ٿي سگھن ٿا.
جيئن ته هِي نوٽ سيريز جو فون آحي ته اسٽائلوس پين ۽ خم اسڪرين ته هِن جو حصو هوندا.. J
جيئن ته ٻُڌايو ووي آحي ته هِن جو نالو تصوير ڏِسي خبر پئجي ويندي ۽ اُهو آحي گليڪسي نوٽ 7، جنهن جي اسڪرين تي گليڪسي ايس.سيون وانگيان 7 انگ کي ڏسي سگھجي ٿو جڏهن ته هِن جي بيڪ تي به گليڪسي نوٽ 7 لکيل آهي.
هِي فون سامسنگ طرفان آئي_فون سيون جي مقابلي ۾ متعارف ڪرايو ويندو ۽ اِنڪري اِهو سيپٽمبر بجاءِ آگسٽ جِي شروعات ۾ ئي پيش ڪيو ويندو.