مخدوم دين محمد پاٽائي: سردارچنڙپاٽائي مخدوم دين محمد ولد مفتي عبدالواحد ڪبير، پاٽ شهر ۾ 1113هه ۾ ڄائو. اڳتي هلي لڏي وڃي سيوهڻ ۾ سڪونت اختيار ڪئي، جتي شادي به ڪيائين. وڏو عالم، بزرگ ۽ فقيھ هو، جنهنڪري سيوهڻ شهر جو قاضِ ۽ مفتي ٿيو، سندس ٻه فرزند عبدالواحد صديقي ۽ محمد حسن صديقي پنهنجي دور جا وڏا عالم شخص هئا. مخدوم صاحب جا ميان نورمحمد ڪلهوڙي جي دور ۾ شاهه عبداللطيف ڀٽائيرح سان دوستاڻا لاڳاپا هئا. هن بزرگ 1192هه ۾ وفات ڪئي.
