اسحاق سنڌي قلندر پاٽائي: سردارچنڙپاٽائي هيءُ بزرگ، پاٽ جو رهاڪو هو. دنيا جي سير واسطي قلندرانه صورت ۾ نڪري پيو. ڪيترائي ويران ۽ وسنديون ووڙيائين ملڪن جو سير ڪيائين. هر هڪ ملڪ کي پوري غور سان ڏسندي، انهن جي جي اهميت ۽ حقيقت کان واقف ٿيو. 958هه/1455ع ۾ سير سفر ترڪ ڪري برهانپور (ڏکڻ، هندستان) ۾ اچي رهيو ۽ اتي شيخ محمد طاهر بن شيخ يوسف سنڌي محدث جي صحبت ۾ رهي پيو. سندس تصوف ۾ طريقو اراديءَ جي مضبوطيءَ ۽ استقامت تي هو. آخر ۾ پنهنجي مرشد ۽ شيخ محمد طاهر جي وفات کان پوءِ 7 سال هن دنيا ۾ گذاري سنه 1010هه/1594ع ۾ هن دنيا فاني مان لاڏاڻو ڪري ويو. هن بزرگ جو اصل نالو محمد اسحاق هو، پر قلندي طريقي اپنائڻ سان اسحاق سنڌي قلندر جي نالي سان مشهور ٿيو.
