شهاب الدين سهروردي پاٽائي سردارچنڙپاٽائي: ميان شهاب الدين سهروردي صديقي ولد نورالدين محمد سهروردي سنڌ جي صديقي خاندان سيوهڻ، پاٽ ۽ برهانپور وارن جو وڏو ڏاڏو آهي. هن ئي سڀ کان پهريان پاٽ جو شهر آباد ڪرايو. جنهن کي قبلة الاسلام ڪري سڏيندا هئا. مگر هن وقت اهو شهر ڦٽي ويران ٿي ويو آهي ۽ ٻيو نئون شهر آباد ڪرايو ويو. پوئين پاٽ جو بنياد، مفتي عبدالواحد ڪبير، مخدوم عبدالواحد سيوستانيءَ جي ڏاڏي جي زماني ۾ رکيو ويو. هن بزرگ جي وفات سال 894هه ۾ ٿي(1). شهاب الدين سهروردي پنهنجي دور جو وڏو عالم هو.
