مير ممتاز برهماڻي سردارچنڙپاٽائي:: ممتاز علي برهماڻي ولد محمد نواز برهماڻي تاريخ 7 ڊسمبر 1984ع تي ڳوٺ پاٽ شريف تعلقي دادو ۾ ڄائو. انٽر تائين تعليم حاصل ڪري چڪو آهي. سال 1988ع ۾ ادبي دنيا ۾ آيو آهي، مير ممتاز برهماڻي جي نالي سان ناول ۽ ڪهاڻيون لکي ٿو. شعر شاعري به ڪندو آهي. هڪ ڪتاب جيترو مواد وٽس موجود آهي.
پيارا سردار... سدا سرها رهو... سنڌ سلامت تي ڀليڪار... ڀاءُ هي سيڪشن انهن مهان سنڌي شخصيتن بابت آهي جن سنڌي ٻولي سميت سنڌي ادب يا وري ڪنهن نه ڪنهن فن يا هنر ۾ نالو ڪمايو هجي ... جڏهن ته توهان پنهنجي شهر جي هر شخص جو مختصر تعارف پيش ڪري رهيا آهيو... ائين اهڙيون عام شخصيتون جڏهن خاص شخصيتن جي صِف ۾ بيهاربيون ته محنتون، رياضتون ۽ بي انتها مشڪلاتن کي منهن ڏيندي تاريخ ۾ نالو ڪمائيندڙ عظيم شخصيتن جي اهميت به گهٽجي ويندي... توهان کي گهرجي ته پنهنجي تعارف پيش ڪندڙن انهن سمورن ساٿين جن مان اڪثريت کي مان به سڃاڻان .. سنڌ سلامت جو ڏس پتو ڏيو .. کين سندن مواد کي سنڌ سلامت جي باقي ساٿين سان ونڊڻ جو طريقي ڪار به سيکاريو ته جيئن هوُ پاڻ اچي نه رڳو پنهنجو تعارف پيش ڪري سگهن پر پنهنجو نه ڇپيل مواد پڻ دنيا جي سمورن سنڌين آڏو پيش ڪن.. ايئن ڪرڻ سان توهان جو مشن وڌيڪ فائدو ڏيندڙ ثابت ٿيندو... پنهنجي ليکن کي سنڌ سلامت تائين پهچائيندا رهو ... لک لائق...
