طوفان جي درميان نه ڪنارن جي ڳالھ ڪر،
خواجه شمشير الحيدري
طوفان جي درميان نه ڪنارن جي ڳالھ ڪر،
مون سان نه زندگي جي بهارن جي ڳالھ ڪر.
آهن پسند مون کي خزان جو نوازشون،
اي همنشين ! نه مون سان بهارن جي ڳالھ ڪر.
آئي نه راس مهرو محبت جي زندگي،
ڇا ٿي پيو، تون چنڊ ۽ تارن جي ڳالھ ڪر.
اي دوست منهنجي تشنگيءِ ديد کي ته ڏس،
دامن ڪش نگاه، نگارن جي ڳالھ ڪر.
منهنجي اڳيان گلن جي وفا جو نه ڳالھ ڪر،
ها، پر سبيل تذڪره خارن جي ڳالھ ڪر.
ميخانهءِ جھان ۾ لٽائي شراب زيست،
اي دوست! زندگيءَ جي بهارن جي ڳالھ ڪر.
