ڪالاباغ ڊيم نه ٺهڻ ڏينداسين،ڪي ماڻهو ان اشو کي هوا ڏين پيا پر ڪو فرق نه پوندو:وڏو وزي

[ممتاز علي وگهيو]

ڪالاباغ ڊيم نه ٺهڻ ڏينداسين،ڪي ماڻهو ان اشو کي هوا ڏين پيا پر ڪو فرق نه پوندو:وڏو وزير​

لاڙڪاڻو(بيورو رپورٽ) وڏي وزير قائم علي شاهه چيو آهي ته ڪالاباغ ڊيم مئل گهوڙو آهي، ان کي جيارڻ جي ناڪام ڪوشش ڪئي پئي وڃي، پ پ حڪومت قائم ٿيڻ جي 3 مهينن اندر وفاقي ڪابينا جي وزيراعظم جي صدارت ۾ ٿيل اجلاس ۾ اهو اعلان ڪيو ويو هو ته ملڪ جا 3 صوبا ڪالاباغ ڊيم کي رد ڪري چڪا آهن، ان ڪري ڪالاباغ ڊيم نه ٺهندو، اهڙو اعلان وزيراعظم ڪري چڪو آهي، پنجاب جا ماڻهو به ڪالاباغ ڊيم جا مخالف آهن، ڳڙهي خدابخش ۾ صحافين سان ڳالهائيندي وڏي وزير چيو ته ڪي ماڻهو ڪالاباغ ڊيم جي اشو کي هوا ڏئي رهيا آهن، جنهن سان ڪو فرق نه پوندو، هن چيو ته سنڌ ۾ پاڻي جي کوٽ آهي، جنهن کي ختم ڪرڻ جي ڪوشش ڪئي پئي وڃي، پڇڙي جي آبادگارن کي پاڻي پهچائڻ لاءِ حڪومت ڪوششون ورتيون آهن، جنهن سان جلد نتيجو نڪرندو ۽ سارين جي فصل جي پوکي مقرر وقت اندر ٿيندي، شهيد بينظير ڀٽو ملڪ ۽ قوم لاءِ عظيم قرباني ڏني آهي، ان کي هميشه ياد رکيو ويندو، هن چيو ته رت جو عطيو ڏيڻ معمولي ڳالهه آهي پر شهيد راڻي کي ياد رکڻ لاءِ اڳواڻ ۽ ڪارڪن رت جو عطيو ڏئي رهيا آهن، هن چيو ته صدر آصف علي زرداري شهيد بينظير ڀٽو جي پروگرام تي عمل ڪري ملڪ ۾ جمهوريت کي مضبوط ڪيو آهي، هوڏانهن نجي ٽي وي چينل موجب وڏي وزير وڌيڪ چيو ته اسان پنهنجي اعلان تي قائم آهيون ته ڪالاباغ ڊيم ٺهڻ نه ڏينداسين، هن چيو ته شهيد بينظير سياسي بصيرت سان مشرف جهڙي آمر کي وردي لاهڻ تي مجبور ڪيو.

 

[نثارابڙو]

جواب: ڪالاباغ ڊيم نه ٺهڻ ڏينداسين،ڪي ماڻهو ان اشو کي هوا ڏين پيا پر ڪو فرق نه پوندو:و

ڀلا آخر اهو مئل گهوڙو هميشه جيئرو ڇو ٿو ٿئي؟ سوال اهو آهي ۽ انجو جواب ڳولهڻ لئه قوم کي سوچڻو پوندو،
ڪٿي ايئن ته ناهي ته توب جي لائسنس ۾ بندوق ورتي پئي وڃي، جيئن آمريڪا کي جڏهن ڪنهن ملڪ کي ڊيڄارڻو يا جنهن ملڪ تي رعب ويهارڻو هوندو آهي ته دهشتگردي جون ڪاروايون ڪرائي، ملڪ وارن کي ڌماڪائي پنهنجا مقصد ٽپائي وٺندو آهي ۔۔۔ ڇا اهو ڪالاباغ ڊيم ننڍين قومن لئه القاعده ته ناهي؟
اهو ته طاقتور ۽ سامراجي قومن جو پراڻو هٿيار آهي ۔۔۔ ڊيڄاريو ۽ راڄ ڪيو ۔۔۔ جيئن ننڍي هوندي مون واري مٺڙي امان اسانکي چپ ڪرائڻ يا ڪنهن ضد تان لاهڻ وقت ۔۔۔ رات جي ما کان ڊيڄاريندي هئي ۔۔۔ ۽ اسين ڊڄي چپ ٿي ويندا هياسون يا وري ضد ڇڏي ڏيندا هئاسون ۔۔۔

 

[شبير جتوئي]

جواب: ڪالاباغ ڊيم نه ٺهڻ ڏينداسين،ڪي ماڻهو ان اشو کي هوا ڏين پيا پر ڪو فرق نه پوندو:و

اصل ۾ ڪالاباغ ڊيم ٺاهڻ پنجاب جي وس جي ڳاله نه آهي۔ بس هاڻي پنهجا بيا مفاد حاصل ڪرڻ لا ء اهواهڙو اشو آهي جيڪو ضرورت وقت اهو اشو اٿاري ان جي آڙ۾ پنهجا ٻيا مفاد وحاصل ڪندا۔ ان جي ڪري سنڌي ماڻهن کي انهن کان محطاط رهڻ گهرجي۔