پنهنجي پراڻي ۽ ذاتي دوست شاهه محمد شاهه، سينيئر نائب صدر سنڌ نون ليگ جي بيان تي، معذرت سان، تبصرو:ـ بيان: آصف زرداري پئسن تي سنڌ نه ٿو خريد ڪري سگھي تبصرو: سچ آهي..ڀلا، نواز شريف، ”سنڌ سان نفرت“ جي بنياد تي ساري سنڌ خريد ڪري سگھي ٿو؟ بيان: سنڌ به نواز شريف سان وڏو پيار ڪري ٿي تبصرو: مون سچ لکيو هو: سنڌ نون ليگ جا ليڊرچمچاگيريءَ ۾ حدون ٽپي ويندا بيان: ايندڙ اليڪشن ۾ اسان وٽ اليڪشن جي ٽڪيٽن لاءِ قطارون لڳل هونديون تبصرو: سنڌيءَ ۾ چوڻي: ٻليءَ کي خواب ۾ ڇڇڙا بيان: هاڻي نواز شريف کي سڄي سنڌ گھمائينداسون تبصرو: پهريان ٻڌايو ته 4 ورهين جي اقتدار ۾ وزيراعظم کي پهريون ڀيرو حيدرآباد ڇو ياد آيو؟ بيان: سنڌي ايڏا اٻوجھه ناهن جو آصف زرداريءَ کي چونڊين تبصرو: زرداريءَ کي ته کڻي ڇڏيو. ڀلا! سنڌي ايڏا اٻوجھه آهن ڇا جو سنڌ سان نفرت ڪندڙ نواز شريف کي چونڊين؟
