ٻول : تون منهنجو صنم آهين مان تنهنجو صنم آهيان

[عبيد ٿھيم]

تون منهنجو صنم آهين، مان تنهنجو صنم آهيان،
تون منهنجو جنم آهي، مان تنهنجو جَنم آهيان.

هڪ واٽَ ٻِنهي جي آ، هڪ راهِ وفا آهي،
تون منهنجو قَدم آهين، مان تنهنجو قدم آهيان.

هي راز محبت جا، دل هِن ۾ دَفن آهن،
تون منهنجو ڀَرَم آهين، مان تنهنجو ڀَرم آهيان.

اچ وعدو ڪريون ”ڪوثر“ ڀٽ شاھ جي نگريءَ ۾،
تون منهنجو ڌَرَم آهين ، مان تُنهنجو ڌَرم آهيان.​

شاعر : ڪوثر ٻرڙو
آواز : برڪت علي