هن جي آلاپ مان جدت جي خوشبوء ايندي آ، هو نون شاعرن کي جديد طريقي سان نيم ڪلاسيڪل انداز ۾ ڳائيندو آ! صرف ڳائيندو ناهي، ڪمال جو ڪمپوزر به آهي، اڄ جتي سنڌي ڪلاسيڪل موسيقي زوال ڏانهن وڃي رهي آهي اتي اهي چند ئي موسيقار آهن جيڪي ڪلاسيڪل روايتن کي قائم رکيو اچن! #رجب فقير جڏهن رات جي پوئين پهر ۾ راڳ ڀوپالي جا سر ڇيڙيندو آهي تڏهن هزارين راءِ ڏياج پنهنجا سِر تري تي رکي ڇڏيندا آهن. نواڻ ۽ تبديليون وقت جي اهم ضرورت آهن ۽ استاد رجب فقير موسيقي جي ميدان م نئواڻ آندي! اهو ئي سبب آهي جو نوجوان حلقي ۾ هڪ منفرد سڃاڻپ رکي ٿو. چوندا آهن ته پنجاب راڳ کي جنم ڏنو ۽ ٿر ۾ ان جو موت ٿيو، آئون هن ڳاله سان سخت اختلاف رکان ٿو! جنهن خطي ۾ مراد فقير، صادق فقير، مائي ڀاڳي، موهن ڀڳت، حسين فقير ۽ رجب فقير جهڙا راڳي پيدا ٿيا هجن اتي راڳ جو موت ممڪن ئي ناهي! رجب فقير! پنهنجي ڏاڏي مراد فقير جي نالي سان مٺي ۾ سنگيت سکيا گهر قائم ڪري ڪيترن ئي نوجوانن کي موسيقي جي سکيا ڏيئي رهيو آهي. اڄ سندس جنم ڏينهن آهي! سر سارنگ جهڙا پيار ۽ جنم ڏينهن جون واڌايون! شل سرن جي ديوي سدائين مهربان رهي! عمردراز تيڏا الله نگهبان هووي!
