روزاني سنڌ ايڪسپريس 25 مئي 2017 تي، سالار لطيف جو ڪالم ڇپيو آهي جنهن ۾ لکي ٿو: ” ...اهو مسئلو يقيني طور تي سنڌي قوم جي بقا سان سلهاڙيل آهي. سنڌ ۾ رهندڙ بلوچ ذاتيون خاص طور تي ڪشمور، ڪنڌڪوٽ، جيڪب آباد، شهداد ڪوٽ، ۽ سنڌ ـ بلوچستان جي دنگ جي پسگردائي ۾ رهندڙ قبيلا اصلي طرح تي سنڌي آهن جڏهن ته اتان جا شاگرد سنڌ جو ڊوميسائيل ۽ سنڌ جي تعليمي ادارن جا سرٽيفڪيٽ کڻي سنڌ کان ٻاهر تعليمي ادارن ۾ داخلائون وٺن ٿا ته اتي به انهن جي سڃاڻپ يقينن سنڌي طور تي ٿيڻ گھرجي. پر حيرت جھڙي ڳالهه آهي ته اهڙو بلوچ شاگرد سنڌ کان ٻاهر وڃي، اها دعوى ڪهڙن بنيادن تي ڪري ٿو ته هو هڪ بلوچ آهي. ۽ سنڌي نه، پر بلوچ ڪائونسل جو حصو ٿيندو؟ 2010 ۾ به مهراڻ ڪائونسل جو بلوچ ڪائونسل سان ان ئي مامري تي جھيڙو ٿيوهو. جڏهن ته تازي ٿيل ويڙهه پٺيان به سبب ساڳيو آهي. ان مسئلي جي حل لاءِ سنڌ جي سياسي ۽ سماجي ڌرين کي پنهنجو ڪردار ادا ڪرڻ جي سخت ضرورت آهي. سالار لطيف
