مسلمان ٺڳي ڪري ته؛دوستو! آءُ هميشه اهو چوندو آهيان ته اسلام دين فطرت آهي، ان ۾ هر اهو عمل جنهن سان ڪنهن ٻي انسان کي يا ڪائنات ۾ موجود ڪنهن به شئي کي نقصان ٿيندو هجي ته اهو خارج الاسلام آهي، اسلام جو حصو ناهي بلڪه دين اسلام اهڙي عمل ڪرڻ واري کي جهنمي ۽ ڏوهي قرار ڏئي ٿو .... ۽ هر مسلمان تي اهو فرض عائد ٿئي ٿو ته هو اهڙي ڏوهاري ۽ جهنمي ماڻهونءَ خلاف جهاد ڪري .... پاڪستان ٺاهيو ويو هو اسلام جي نالي تي ته اسين مسلمان گڏجي رهنداسون، اسلام جي اصولن کي اپنائينداسون ... امن قائم ڪري هڪٻئي جا حق محفوظ ڪنداسون، پر ٿيو ڇا؟ بلڪل ان جي برعڪس، ملڪ ته ٺاهيو ويو پر دين اسلام جي اصولن کي پٺيءَ اڇلائي وڏين، زورآور ۽ لالچي قومن ننڍين ۽ مالدار قومن کي ڦرڻ ۽ ٺڳڻ شروع ڪيو ۽ دنيا جي ظالم ۽ اسلام دشمن طاقتن سان دوستي ڪري اسلام جي سخت مخالفت وارا عمل ڪيا ... نتيجو اهو نڪتو ته اڄ پاڪستان دنيا ۾ ناڪامياب ترين ملڪن ۾ ليکجي ٿو، عوام سخت پريشان آهي، بک بدحاليءَ جو دور اچي ويو آهي، چورن ۽ ڦورو قسم جي ماڻهن جو مزو ٿي ويو آهي، دنيا ڀر جا ڏوهي ۽ ظالم اچي هن ملڪ ۾ پناهه وٺي سگهنٿا ۽ هن ملڪ جي عوام کي موچڙا هڻي سگهنٿا ... انصاف اڻلڀ آهي، وسيلا غلط استعمال ٿي رهيا آهن، تعليم، صحت ۽ بنيادي ضرورتن جي کوٽ ٿي وئي آهي ... حقدارن کي حق ته پري جي ڳالهه بلڪ حقدارن کي حق گهرڻ تي قتل ڪيو وڃي ٿو ۽ کين ڏينهن جا تارا ڏيکاريا وڃن ٿا ... آءُ هميشه اها ڳالهه ڪندو آهيان ته جيڪي ظالم هجن چاهي اهي مسلمان ئي ڇونه هجن، چور هجن چاهي اهي مسلمان ئي ڇونه هجن، جيڪي غاضب هجن، ماڻهن جا حق کائيندا هجن، يتيمن جو مال ماريندا هجن، حقدارن جا حق ڦريندا هجن، چاهي اهي مسلمان ئي ڇونه هجن، انهن خلاف جهاد ڪرڻ عين فرض آهي، اسلام آهي ... سڌي راهه آهي ... پاڪستان جون ڪجهه زورآور قومون، بي ايمان ٿي، سنڌين جو حق مارين ٿيون، سنڌين جا وسيلا ڦرين ٿيون ۽ سنڌين کي بي روزگار ۽ بدحال ڪري مارين ٿيون ... اچو ته الله جي رسول جي حديثن جي روشنيءَ ۾ ڏسون ته مال ڦرڻ وارا ڪير آهن؟ حوالو؛ فيض القدير شرح الجامع الصغير حديث 2473 ”الله جي رسول فرمايو؛ ان من اسرق السراق من يسرق لسان الامير وان من اعظم الخطا يا من اقتطع مال امرءِ مسلم بغير حق .... معني؛ چورن ۾ سڀ کان وڏو چور اهو آهي جيڪو حڪمرانن جي زبان چورائي، ۽ گناهن ۾ سڀ کان وڏو گناه ان ماڻهونءَ جو گناه آهي جو ڪنهن مسلمان جو مال ناحق طريقي سان حاصل ڪري“ حوالو؛ صحيح مسلم حديث 137 ڪتاب الايمان الله جي رسول فرمايو؛ من اقتطع حق امري مسلم بيمينه فقد اوجب الله له النار وحرم عليه الجنه فقال له رجل وان ڪان شيئا يسيرا يا رسو الله ؟ قال وان قضيبا من اراڪ“ معني؛ جنهن ڪنهن مسلمان جو حق ماريو، ان تي الله تعالا جهنم واجب ڪري ڇڏي ٿو، ۽ ان تي جنت حرام ڪري ڇڏي ٿو، ته هڪ ماڻهونءَ عرض ڪيو ته يا رسوالله صلعم جيتوڻيڪ اها معمولي شئي هجي ته به؟ الله جي رسول صلعم فرمايو، هائو! جي اها شئي اراڪ ڪاٺيءَ جو ٺڪرو ئي ڇونه هجي“ (اراڪ ڪاٺيءَ جو قسم آهي)“ دوستو! مٿين حديثن مان ثابت ٿيو ته مسلمان جو مال مارڻ يا کائڻ وارو جهنمي آهي ۽ جهنمي ماڻهونءَ سان قطع تعلق ڪرڻ اسان تي واجب آهي، جي اسين ان سان جهاد نه ڪنداسون ته ان جي ڏوهه جا ڀاڱيوار ٿينداسون ... اچو ته پنهنجي دين جي پيروي ڪندي، پنهنجن حقن جي حفاظت جي ويڙهه ڪريون (پنهنجي پنهنجي وس آهر) ته جيئن قومي فرض به پورو ٿئي ۽ ديني فرض به پورو ٿئي .... رب العالمين اسانکي حق ۽ سچ کي سمجهڻ جي توفيق عطا ڪري ... آمين
جواب: مسلمان ٺڳي ڪري ته؛ سائين ابڙا صاحب توهان جيڪو مضمون ونڊ ڪيو آهي، ان ۾ سوءُ سيڪڙو ڳالهيون سچ آهن مگر اسان جي ماڻهون کي ڪير سمجهائي، هت ته هر ڪو ٻئي جو مال ڦٻائڻ جي پٺيان لڳو پيو آهي، ۽ ان کي ئي پنهنجو حق ۽ محنت عقلمندي سمجهي ٿو، بس دعا ڪريو ته الله اهڙن ماڻهن کي سمجهه ۽ هدايت عطاء ڪري آمين۔
جواب: مسلمان ٺڳي ڪري ته؛ سائين جزاڪم الله خير الجزاء اصل ۾ سو ڳالهين ۽ جي هڪ ڳاله ته اسلام اسان کي ڪجه چيو اسان ڪجه ٻيو ڪيو ۽ ان سلامتي ۽ هدايت واري دين جي تعليمات جي مخالفت جي سزا اها ملي ته اسان اڄ ان حالت ۾ اهيون جو اسان وٽ سڀ ڪجه هوندي به ڪجه نه آهي اها ئي اسان جي بد نصيبي آهي ۔ بحرحال جي اسان ۾ برائي خلاف جهاد جو جذبو هجي ها ته شايد اسان ان حالت ۾ نه هجون ها اهو ان ڪري جو دين اسلام ۾ امر بالمعروف ۽ نهي عن المنڪر جهڙِي شي موجود هجڻ ڪري اسان ان تي ڪڏنهن عمل نه ڪيو سو نتيجو اهڙي بيانڪ نه نڪرو ته ٻيو ڇا ٿيندو سائين ان ڪري اسلام جي تاريخ ڪجه ٻي ۽ مسلمان جي تاريخ ۾ ڪافي فرق آهي اسلام اسان کي ڪجه چيو اسان ڪجه ٻيو ڪيو ۔ ۔ ۔ بحرحال الله تعالي کان اها ئي دعا آهي ته هو اسان سڀني کي اها سگهي ڏي ته اسان برائي خلاف جهاد ڪري سگهون ۽ پهنجي هن معاشري کي ان قسم جي تمام براين کان پڪ ڪري سگهون آمين
جواب: مسلمان ٺڳي ڪري ته؛ مان توھان جي ڳالھ سان اتفاق ڪريان ٿو، اسين مسلمان ته پيدا ٿيا سون پر سچا مومن اڃان نه بڻيا آھيون۔جيڪڏھن اسان دين تي صحيح عمل ڪيون ته نه اسان ڪنھن جا حق ٻوڙينداسن نه ڪو ٻيو ڪو اسان جا حق ماري سگھي ٿو۔ دين اسلام تي اسين آھيون ڪِٿي، نماز، روزو، زڪات، عشر جھڙن عملن تي ڪي ورلي ئي عمل ڪندا ھوندا۔ اسان ۾ ڪافي برايون گھر ڪيو ويٽيون آھن، مثلن جوا، شراب، زنا، ڪارو ڪاري، گلا، ڀيڻين ۽ ڌيئرن جا حق ڦٻائڻ، ڪڪڙ ويڙاھڻ، ٽڪلين تي لکين رپيا وڃائڻ وغيره وغيره۔ اچو ته گڏجي دعا ڪريون ته پھرين برن ڪمن کان بچون ۽ توبه ڪريون ته آئينده اھڙا گناه نه ڪبا۔ پوء الله تعالي جي حڪمن جي پيروي ڪريون۔
جواب: مسلمان ٺڳي ڪري ته؛ دوست ممتاز، محترم علي علي، ادا محمد عالم ۽ سائين طاهر سنڌي صاحب اوهانجا لک ٿورا جو اوهان هن موضوع تي پنهنجا خيال ونڊ ڪيا ۽ ڪيتري حد تائين منهنجي ڳالهه جي تاعيد پڻ ڪئي ۔۔۔ سهڻا دوستو! مون هي ليک يا ان جهڙا ٻيا ليک صرف ۽ صرف انهن دوستن لئه پيش ڪندو آهيان جي پاڻکي سٺا مسلمان ته سمجهن ٿا پر جڏهن قومي ڳالهه اچي ٿي ته ڪنن تي ٻوڙا چاڙهي ڇڏن ٿا ۽ پاڪستان جي خلاف ڪنهن ڳالهه کي ڪرڻ يا ٻڌڻ عين دين جي خلاف يا وري ڪنهن حديثِ رسول جي يا قرآني آيت جي مخالفت سمجهن ٿا ۔۔۔ آءُ انهن دوستن کي هميشه اهو چوندو آهيان ته الله جي واسطي حق ۽ سچ جو ساٿ ڏيو نه ڪي صرف مسلمان جي نالي تي حق ۽ سچ کي پٺي ڏئي ڇڏيو ۔۔۔ ڇا اسلام جي تاريخ ۾ اهڙا مسلمان نه هئا جي ڏسڻ جا ته تمام سهڻا ۽ صوم و صلوات جا پابند هئا پر اندر ۾ ابليس هيا ته الله جي رسول ۽ اصحاب سڳورن انهن جي خلاف جهاد ڪيو ۽ کين ختم ڪيو؟ ڇا مديني جا اهي مسلمان جن مسجد قبا جي ڀر ۾ هڪ مسجد ٺاهي الله جي رسول کي دعوت ڏني ته هو ان مسجد ۾ اچي نماز پڙهي، جڏهن ته اهي مسلمان سازشي هئا ۽ اسلام ۾ فرقو پئدا ڪرڻ ٿي گهريائون ۔۔۔ الله جي رسول ان مسجد ۾ نماز ته نه پڙهي بلڪه الله جي رسول اها مسجد ڊهرائي پٽ ڪرائي ڇڏي ۔۔۔ طائف ۽ انجي آس پاس جا اهي مسلمان جن جي خلاف حضرت علي ڪرم الله وجهه جهاد ڪيو هو جن جي قرآن جي قرآت تمام سهڻي ۽ جن جون نمازون عام مسلمان کان تمام گهڻو سٺيون هيون، انهن کي ڳولهي ڳولهي جهنم رسيد ڪيو ويو ته جيئن مسلمان فتني بازيءَ کان بچي وڃن ۔۔۔ مطلب چوڻ جو اهو ته مسلمان ڏوهي ٿئي ته ڇا ان ڪري اکيون بند ڪجن ته مسلمان آهي ۔۔۔ نه دوستو نه ۔۔۔ ظلم ظلم آهي، گناهه گناه آهي، ڏوهه ڏوهه آهي، برائي برائي آهي، چاهي اهو مسلمان ئي ڇونه ڪندو هجي، بلڪه آءُ ته چوانٿو ته مسلمان اهڙي غلطي ڪري ته انجي سزا عام انسان کان گهڻي هجي ڇاڪاڻ ته هڪ ته پاڻکي مسلمان چوائي ۽ مٿان وري سماجي برايون ڦهلائي ۽ ڏاڍايون ڪري ته انجي سزا ڪهڙي هجڻ کپي، ڇاڪاڻ ته هو اسلام جي نالي ۾ اسلام جي بدناميءَ جو سبب ٿئي ٿو ۔۔۔ برصغير هند ۾ پنجابي ۽ پٺاڻ قوم مسلمان ضرور ٿي وئي آهي پر هن وقت به پاڪستان ۾ منشيات، جسم فروشي ۽ اسلحي جا اڏا هلائڻ، ڌوڪا ڪرڻ ۽ وياج کائڻ ۾ اول نمبر تي آهن ۔۔۔ سنڌي مسلمانن جي مال تي قابض ٿي ويٺا آهن، بنگلاديش جا لکين مسلمان قتل ڪري چڪا آهن ۽ هن وقت به آمريڪي سامراج جي پٺو قوم جي حيثيت سان برصغير هند ۾ قاتل قوم جو ڪرادار ادا ڪري رهيا آهن ۔۔۔ هاڻ اهڙين قومن سان گڏجي رهڻ ۾ اسين ڪهڙي مسلماني ڪري رهيا آهيون، بلڪه آءُ ته چوانٿو ته اسين پاڻکي گنهگار ڪري رهيا آهيون ۔۔۔ اسانکي ان ظلم خلاف جهد ڪرڻو پوندو ۽ آزادي ماڻي الله ۽ الله جي رسول آڏو سرخرو ٿيڻو پوندو ۔۔۔ الله اسانکي حق ۽ سچ جي ساٿ ڏيڻ جي توفيق عطا ڪري ۔۔۔ آمين ******* نوٽ؛ مٿي ڄاڻايل ٻنهي مسلمان فرقن جا نالا، جن خلاف جهد ڪيو ويو، هن وقت ذهن مان نٿا نڪرن، جي ڪنهن دوست کي ياد اچن ته لکي ٻڌائي يا وري آءُ جڏهن گهر پهچندس ته ڪتاب مان حوالا لکندس ۔۔۔ والسلام عيلڪم
جواب: مسلمان ٺڳي ڪري ته؛ ٿورا! سائين طاهر! گهر پهچي ڪتاب کوليا ته ٻئي واقعا ملي ويا ۔۔۔ 1 مديني جي مسلمانن ۾ هڪ گروهه هو جن کي منافقين چيو ٿي ويو، انهن مسجد قبا جي ڀر ۾ مسجد زرار ٺهرائي ۽ ان ۾ پهرين امامت ڪرڻ جي دعوت الله جي رسول کي ڏني وئي، جنهن تي وحي نازل ٿي ۽ رسول الله صلعم جن کي ان سازش جي خبر ڏني وئي ۔۔۔ الله جي رسول بعد ۾ اها مسجد ڊهرائي پٽ ڪرائي ڇڏي هئي ۔۔۔ 2 خوارج؛ الله جي رسول صلعم پنهنجي عمر ۾ ئي اڳڪٿي ڪئي هئي ته مسلمانن ۾ هڪ اهڙو گروهه به پئدا ٿيندو جن جون نمازون تمام سٺيون، روزا باقاعدگي وارا ۽ قرآت تمام سٺي پر سندن دلين تي قرآن جو ڪو اثر نه ٿيندو ۽ اهو گروهه اسلام مان ائين نڪري ويندو جيئن تير گوشت مان نڪري ويندو آهي۔ حضرت علي ڪرم الله وجهه جن پنهنجي خلافت جي دوران، سندن خلاف جهاد ڪيو ۽ کين ڳولهي ڳولهي جهنم رسيد ڪيو هو ۔۔۔۽ فتنو ختم ٿيو ۔۔۔ سو دوستو! ڳالهه جو مقصد اهو ته ايئن نه سمجهيو وڃي ته ڪو ماڻهون مسلمان ۽ ڪا قوم مسلمان آهي پر سندن عمل اسلامي تعليم جي خلاف آهن ته انهن خلاف ڳالهائڻ يا انهن خلاف جهاد ڪرڻ ڪو اسلام جي خلاف ٿيندو، جڏهن ته تاريخ ٻڌائي ٿي ته انهن منافقين ۽ سازشي ۽ ظالمن خلاف جهاد ڪرڻ عين اسلام آهي ۔۔۔
جواب: مسلمان ٺڳي ڪري ته؛ ادا سائين هر ڀيري وانگر هي موضوع به اوهان زبردست تحرير ڪيو آهي۔۔ توهان جيڪا ڳالهه ڏسي آهي ان ۾ڪو به شڪ نه آهي۔۔ قوم سان جيڪڏهن ناحق ٿي رهيو آهي ته ان خلاف حق سچ چوڻ ديني فريضي ۾ اچي وڃي ٿو۔۔
