ڇا هي شهرت سَستيءَ اندر.

[ayazjani]

عالم عشق الستيءَ اندر ،
منصوري سرمستيءَ اندر.

سوز گدازي ، وحدت سازي،
هر صوفيءَ جي هستيءَ اندر.

مهڪ مٽيءَ مان تنهنجي آئي،
تون جو آهين ڌرتيءَ اندر.

اوچائيءَ تي جيون گهاري ،
ڇو اڄ ڪريو پستيءَ اندر.

تنهنجي ايندي ئي ٿي وينديون،
هٻڪارون هن وستيءَ اندر.

هو ته هليو ويو ڏور آ ڏاڍو،
مهڪ بدن جي بستيءَ اندر.

ها - تنهنجو ۽ منهنجو جوڙو،
هوندو ” نوحَ جي ڪشتيءَ “ اندر.

حال حقيقي ڪير پروڙي ؟
هر ڪو پاڻ پرستيءَ اندر.

گمناميءَ جو پنهنجو گڻُ آ،
ڇا هي شهرت سَستيءَ اندر.

 

[نثارابڙو]

جواب: ڇا هي شهرت سَستيءَ اندر.

يار اياز جاني، ڳالهه ته گهري ڪيل آهي ۽ سهڻو نظم آهي پر ليکڪ ڪير آهي؟ اهو سوال ضرور ڪبو ۔۔۔ نظم جي مٿان يا هيٺان شاعر جو نالو لکيل هجي ته بهتر ۔۔۔

 

[نثارناز]

جواب: ڇا هي شهرت سَستيءَ اندر.

يار اياز جاني، ڳالهه ته گهري ڪيل آهي ۽ سهڻو نظم آهي پر ليکڪ ڪير آهي؟ اهو سوال ضرور ڪبو ۔۔۔ نظم جي مٿان يا هيٺان شاعر جو نالو لکيل هجي ته بهتر ۔۔۔

ادا وڏا نثار ابڙا هن شاعري تي ويهِي ڳالهائجي يا ويهِي لکجي ته راتون ۽ ڏينهن وهامِي وڃن پر خبر ته پوي ته هي شاعري آخر ڪنهنجي آهي، جيڪڏهن هيءَ شاعري اسان جي نوجوان ساٿي اياز جانِي جِي ئي آهي ته پوءِ مان ته کيس اڄ کان پنهنجو گُرو مڃي ٿو ڇڏيانس۔

 

[مست]

جواب: ڇا هي شهرت سَستيءَ اندر.

سائين اهڙي سولي ۽ سمجهه ۾ ايندڙ شاعري هر شاعر جي قلم جي وس ۾ نه هوندي آهي۔۔ ضرور هي ڪنهن مهان شاعر جي شاعري آهي۔۔۔ اسان جو دوست اياز جاني هميشه سٺي شاعري ونڊيندو آهي۔۔۔ لڳي ٿو هي به سندس ئي قلم جي مهرباني آهي۔۔۔ ادا اياز ڪجهه ته چپ چوريو هي ڪنهن جي شاعري آهي۔۔؟

 

[ممتاز علي وگهيو]

جواب: ڇا هي شهرت سَستيءَ اندر.

ادا شاعري ڪنهن جي به آهي پر آهي بهترين شاعري، ادا اهڙي شاعري ونڊ ڪرڻ لاء مهرباني، پر ڀاء سائين ابڙي صاحب جي ڳالهه وانگر ته شاعر جو نالو هجي هان ته بهتر هو۔