چين جا رهواسي سرڪار جي ڀؤ کان هر سال پنهنجا 3 ملين ٻار لڪائي ڇڏيندا آهن. هڪ برطانوي اخبار جي رپورٽ موجب چائنا جي رهواسين جي اهڙي ڪارروائي جو ڪارڻ اِهو آهي ته چين ۾ حڪومتي طور تي هڪ کان وڌيڪ ٻار پيدا ڪرڻ سبب ماءُ پيءُ کي جرمانو ادا ڪرڻو پوندو آهي ۽ سزا پڻ ٻڌائي ويندي آهي. رپورٽ موجب ماءُ پيءُ ڇوڪرو پيدا نه ٿيڻ سبب ڇوڪري کي ماري ڇڏيندا آهن. پر چين جي ڏکڻ واري شهر Xiamen جي ويجهو هڪ ڳوٺ ۾ Fu Yang نالي هڪ چائنيز رهواسي کي حڪومت جي ان پاليسي جو سڀ کان وڏو مخالف ڄاڻايو ويو آهي. هن چيو آهي ته منهنجي گهر 10 سالن دوران 7 ڇوڪريون پيدا ٿيون آهن هو سرڪار کان لڪي ڪري ٻارن جي پرورش ڪندو آهي. هن چيو آهي ته سندس 7 ڌيئرن مان 3 ڌيئرون ڪميونسٽ پارٽي جون رُڪن آهن 2 اسڪول ۾ تعليم حاصل ڪري رهيون آهن ۽ 1 ڌيءُ بيجنگ ۾ لا گريجويٽ ڪري رهي آهي جڏهن ته سندس هڪ ڌيءُ فيملي جي سار سنڀار ڪندي. دنيا جي سڀ کان وڌيڪ آبادي واري ملڪ چين پنهنجي وڌندڙ آبادي ڪنٽرول ڪرڻ لاءِ 1978 ۾ One Child جي پاليسي تي عمل ڪيو هو.
