فوٽبال ورلڊ ڪپ جي تاريخ۔۔۔

ڏکڻ آفريڪا ۾ هلندڙ فوٽ بال ورلڊ پنهنجي اختمام طرف گامزن آهي۔۔۔۔ منهنجي پسند جي ٽيم ارجنٽينا پڻ جرمني کان ڪوارٽر فائينل هارائي مقابلي کان ٻاهر ٿي وئي جنهن جو ڪافي ڏک به آهي پر هتي مان توهان کي 2010 جي ورلڊ ڪپ کان اڳ جي ورلڊ ڪپس بابت ڪجهه ٻڌائڻ گهران ٿو۔۔۔

سڀ کان پهريان 1930ع ۾ ورلڊ ڪپ ٿيو جيڪو يوروگائي کٽي ورتو ۔۔۔ هن مقابلي ۾ ٽوٽل 13 ٽيمن حصو ورتو۔۔۔۔

​

ٻيو ورلڊ ڪپ 1934 ٿيو جنهن ۾ اٽلي سان تعلقات خراب هجڻ ڪري يوروگائي مقابلي ۾ حصو نه ورتو ۽ 16 ٽيمن تي مشتمل هن ٽورنامينٽ جو فاتح اٽلي ٿيو۔۔۔۔

​

1938ع ۾ ٿيندڙ ٽيون ورلڊ ڪپ فرانس ۾ ٿيو ۔۔۔ جن ۾ 15 ٽيمن حصو ورتو۔۔۔ هن ورلڊ ڪپ ۾ ارجنٽينا، انگلينڊ، اسپين ۽ يوروگائي ملڪن جي غير موجودگي جو فائدو وٺندي اٽلي هڪ دفعو ٻيهر فاتح بڻيو۔۔۔۔

​

12 سالن جي طويل عرصي کان پوءِ1950ع ۾ برازيل ۾ ٿيندڙ چوٿين ورلڊ ڪپ ۾ 13 ٽيمن حصو ورتو ۔۔۔ هن دفعي وري پوين ٻن ورلڊ ڪپس شرڪت نه ڪندڙ ملڪ يوروگائي فاتح بڻيو۔۔۔۔

​

1954ع ۾ سوئيزرلينڊ ٿيندڙ پنجين ورلڊ ڪپ ۾ ٽوٽل 16 ٽيمن حصو ورتو ۔۔۔ ۽ هن دفعي فاتح اولهه جرمني ٿيو۔۔۔

​

 

سيوڊن ۾ 16 ٽيمن تي مشتمل ڇهون ورلڊ ڪپ 1958ع ۾ ٿيو ۔۔۔ جيڪو پهريون دفعو برازيل کٽيو۔۔۔۔

​

سن 1962 ۾ ٿيندڙ چلي ۾ ورلڊ ڪپ ۾ 16 ٽيمن حصو ورتو ۽ برازيل ٻيو ڀيرو هن ورلڊ ڪپ کٽي ورتو۔۔۔۔

​

1966ع جي اٺون ورلڊ ڪپ انگلينڊ ۾ ٿيو ۔۔۔ جنهن ۾ 16 ٽيمن حصو ورتو ۔۔۔ميزباني جو ڀرپور فائدو وٺندي انگلينڊ پهريون دفعو ورلڊ ڪپ جو فاتح بڻيو۔۔۔۔

​

ميڪسيڪو 1970ع ۾ نائين ورلڊڪپ جو ميزبان ٿيو۔۔۔ ۽ 16 ٽيمن تي مشتمل هن مقابلي جو فاتح هڪ دفعو وري برازيل بڻيو ۔۔۔ ياد رهي ته هي ٽيون موقعو هو جو برازيل فاتح بڻيو۔۔۔

​

اولهه جرمني 1974ع ۾ ڏهين ورلڊڪپ جي ميزباني حاصل ڪئي ۔۔۔ ۽ 16 ٽيمن تي مشتمل هي ٽورنامينٽ کٽي ورتي۔۔۔

​

 

جواب: فوٽبال ورلڊ ڪپ جي تاريخ۔۔۔

1978ع ۾ يارهين ورلڊ ڪپ جي ميزباني ارنجنٽينا حاصل ڪئي ۔۔۔ ۽ پوئين ورلڊ ڪپ جي روايت برقرار رکندي ميزبان طور 16 ملڪن جي مقابلي ۾ فاتح بڻيو۔۔۔۔

​

1982ع ۾ ٻارهين ورلڊڪپ جو ميزبان اسپين هو ۔۔۔ هن ورلڊ ڪپ ۾ ريڪارڊ 24 ملڪن حصو ورتو ۽ فتح هن دفعي اٽلي جي حصي ۾ آئي ۔۔۔

​

ميڪسيڪو ۾ 1986 ع ۾ ٿيندڙ تيرهين ورلڊڪپ ۾ 24 ٽيمن حصو ورتو ۔۔۔ ۽ منهنجي پسنديده ٽيم ارنجنٽيان ٻيو دفعو ورلڊ ڪپ جي فاتح بڻي ۔۔۔۔

​

1990ع ۾ ٿيندڙ چوڏهين ورلڊ ڪپ ۾ ميزبان اٽلي سميت 24 ٽيمن حصو ورتو ۽ هن دفعي ۾ هڪ دفعو وري فاتح اولهه جرمني جي ٽيم بڻي۔۔۔۔

​

1994ع ۾ ٿيندڙ پندرهين ورلڊ جي ميزباني پهريون ڀيرو آمريڪا جي حصي ۾ آئي ۔۔۔ هن ورلڊڪپ ۾ ٽوٽل 24 ٽيمن حصو ورتو ۽ فاتح برازيل جي ٽيم بڻي۔۔۔

​

1998 ۾ ٿيندڙ سورنهين ورلڊ ڪپ ۾ ميزبان فرانس سميت ريڪارڊ تعداد 32 ٽيمن حصو ورتو۔۔۔ فرانس جي مسلمان ڪپتان زيڊان پنهنجي خداداد صلاحيتن کي استعمال ڪندي فرانس کي پهريون دفعو فتح جو تاج پارايو۔۔۔

​

جاپان ۽ ڏکڻ ڪوريا ملي ڪري 2002 ۾ سترهين ورلڊڪپ جي ميزباني حاصل ڪئي ۔۔۔ 32 ملڪن تي مشتمل هن ٽورنامينٽ جو فاتح هڪ دفعو وري برازيل بڻيو۔۔۔

​

۽ آخري ارڙهون ورلڊ ڪپ 2006 ۾ جرمني ۾ ٿيو ۔۔۔ هن ورلڊ ڪپ ۾ به 32 ٽيمن حصو ورتو ۔۔۔ پر فتح اٽلي جو مقدر بڻي۔۔۔

​

اها ته هئي فوٽ بال ورلڊ ڪپ جي مختصر تاريخي داستان ۔۔۔۔ آفريڪا ۾ ٿيندڙ اڻويهين ورلڊ ڪپ ۾ سيمي فائينلس جو لائين اپ مڪمل ٿي ويو آهي ۔۔۔ پهريون سيمي فائينل يوروگائي ۽ هالينڊ جي وچ ۾ 6 جولائي تي جڏهن ته ٻيو سيمي فائينل جرمني ۽ اسپين جي وچ ۾ 7 جولائي تي کيڏيو ويندو۔۔۔ پاڪستان ۾ پسند ٿيندڙ اڪثر ٽيمون ٽورنامينٽ کان ٻاهر نڪري چڪيون آهن ۔۔۔ باقي رهندڙ ٽيمن مان ورلڊڪپ 2010 جو فاتح ڪير بڻبو۔۔۔۔ ؟ اهو جواب بس اجهو آيو آيو۔۔۔ تيسين توهان ڀڃو جيڪڏهن آهيو توهان به مون وانگر فوٽ بال ڪريزي۔۔۔