لطيف سائين جي حويلي ۽ وڏي اوطاق وارو مسئلو

[ممتاز علي وگهيو]

لطيف سائين جي حويلي ۽ وڏي اوطاق وارو مسئلو​

نور سنڌي

درگاهه لطيف جي ڀرسان ٺهيل قديمي عمارت لطيف سائين جي وڏي اوطاق سڏجي ٿي پر اها اوطاق نه پر لطيف سائين جي حويلي آهي. لطيف سائين جي والد ۽ والده جي وصال بعد ۽ فقيرن جي وڌندڙ تعداد کي ڏسندي لطيف سائين پنهنجي حويلي موجود سندس درگاهه جي اتر طرف ٽن ڪمرن تي مشتمل ٺهرائي ۽ هيءَ حويلي فقيرن کي حوالي ڪري ڇڏي، لطيف سائينءَ جي اها حويلي جيڪا پوءِ وڏي اوطاق سڏجي ٿي. 1960ع ۾ درگاهه اوقاف کاتي ۾ وڃڻ بعد هي حويلي به اوقاف کاتي ۾ شامل ٿي وئي. ان کان اڳ اها حويلي لطيف سائين جي سجاده نشين جي هٿ هيٺ هئي. پهرين گادي نشين سيد جمال شاهه ان اوطاق لاءِ تمر فقير کي اڳواڻ مقرر ڪيو ۽ ان بعد ان آسڻ تي ويهڻ لاءِ يعني اڳواڻ سجاده نشين مقرر ڪندو رهيو آهي. ساڃاهه وند ڌرين جو چوڻ آهي ته اهو معاملو ڳالهين ذريعي حل ٿيڻ گهرجي. لطيف سائين جي خاندان جي پيرن ۾ مختلف ڳالهين تان وڌندڙ اختلاف سٺو عمل نه آهن. وقت جي تقاضا ۽ انصاف ڀريو عمل ته اهو آهي ته سڀئي ڀٽائي پير اختلاف ختم ڪري گڏ ٿي وڃن ۽ شاهه لطيف فائونڊيشن ۽ لطيفي جماعت کي عالمي سطح تي مضبوط ڪن جنهن جا نتيجا سٺا نڪرندا. ساڃاهه وند ڌريون انهن ماڻهن جي ان عمل جي به مذمت ڪن ٿيون جيڪي هن معاملي توڙي پيرن کي هڪ ڪرڻ لاءِ ڪردار ادا ڪرڻ بجاءِ باهه تي پيٽرول هارڻ وارو ڪردار ادا ڪري رهيا آهن. اسان لطيف سان محبت رکندڙ سڀني ڌرين کي گذارش ڪنداسون ته لطيف ساٿين جي اوطاق وارو مسئلو ۽ ڀٽائي پيرن ۾ وڌندڙ رنجش واري عمل کي روڪن ۽ ڀٽائي پيرن کي هڪ ڪرڻ لاءِ پنهنجو ڀرپور ڪردار ادا ڪن. اسين ڀٽائي پيرن کي به هٿ ٻڌي گذارش ڪنداسين ته لطيف سائين جي پيار، محبت، ايڪي، ٻڌي واري پيغام تي عمل ڪندي وڌيڪ وقت ضايع ڪرڻ بجاءِ پاڻ ۾ کير کنڊ ٿي وڃن

 

[TAHIR SINDHI]

جواب: لطيف سائين جي حويلي ۽ وڏي اوطاق وارو مسئلو

ادا ممتاز اسان جو به فقرن کي عرض آهي ته شاه صاحب جو ته خيال ڪريو


(نوٽ) ادا توهان سنڌي ڪي بورڊ استعمال ڪريو مون جي خيال۾ توهان اردو ڪي بورڊ پيا استعام ڪريو ان ڪري توهان جا لفظ صحيح سمجهه ۾ نه پيا اچن

 

[مست]

جواب: لطيف سائين جي حويلي ۽ وڏي اوطاق وارو مسئلو

سائين لطيفي فقيرن ۾ اهڙي ڪنهن به مسئلي تي اختلاف نه آهن ۽ نه وري ڌڙابندي آهي پر ها اوقاف کاتو ڀٽ ڌڻيءَ جي درگاهه جي احاطي کي وڌائڻ ۾ بلڪل سچو نه آهي۔۔۔ هڪ ڀيرو مان ميلي تي فقط انهيءَ ڪري ويو هئس ته اتي ڪنهن طرح سان سائين جي روضي ۾ داخل ٿي سگهان پر گهڻن ئي ڪوششن باوجود به آئون ڪامياب نه ٿي سگهيس، ڇو ته سوڙهه جي ڪري سو کن ماڻهو به هزارين لڳي رهيا هئا۔۔ جڏهن ته انهيءَ جي مقابلي ۾ قلندر رح جي مزار جي احاطي کي ڏسجي ته ڪيترو نه سهڻي نموني سان وڌايو ويو آهي۔۔ اها به اوقاف کاتي وارن جي ڪوشش نه آهي پر پنجاب ۽‌ٻاهرين ملڪن جي عقيدتمندن جي ڪوششن بعد اهو ممڪن ٿيو آهي

 

[ALI AKBAR SHAR]

جواب: لطيف سائين جي حويلي ۽ وڏي اوطاق وارو مسئلو

اوقاف ڪاتو ڪنهن جي انڊر ۾ آهي

 

[مست]

جواب: لطيف سائين جي حويلي ۽ وڏي اوطاق وارو مسئلو

اوقاف ڪاتو ڪنهن جي انڊر ۾ آهي

حڪومت جي وس ۾ آهي۔۔

 

[ڦلپوٽو فقير]

جواب: لطيف سائين جي حويلي ۽ وڏي اوطاق وارو مسئلو

اوقاف ڪاتو ڪنهن جي انڊر ۾ آهي

گورنمينٽ آف پاڪستان ادا

 

[ممتاز علي وگهيو]

جواب: لطيف سائين جي حويلي ۽ وڏي اوطاق وارو مسئلو

ادا ممتاز اسان جو به فقرن کي عرض آهي ته شاه صاحب جو ته خيال ڪريو


(نوٽ) ادا توهان سنڌي ڪي بورڊ استعمال ڪريو مون جي خيال۾ توهان اردو ڪي بورڊ پيا استعام ڪريو ان ڪري توهان جا لفظ صحيح سمجهه ۾ نه پيا اچن

ادا طاهر سنڌي صاحب مان سنڌي جو ئي ڪي بورڊ ( اها به سنڌ سلامت واري سنڌي پيڊ تان ) استعمال ڪندو آهيان، شايد توهان جي سسٽم جو ڪو مسئلو آهي۔ ورنه مون وٽ ته ايم بي سنڌي پڻ انسٽال ٿيل آهي، ۽ مان سنڌ سلامت جي ميمبر ٿيڻ کان به پهرين ايم بي سنڌي وارو ڪي بورڊ استعمال ڪندو هئس۔ جڏهن ته ان وقت ۾ مان سنڌ سلامت کان واقف به نه هئس۔

 

[TAHIR SINDHI]

جواب: لطيف سائين جي حويلي ۽ وڏي اوطاق وارو مسئلو

ادا طاهر سنڌي صاحب مان سنڌي جو ئي ڪي بورڊ ( اها به سنڌ سلامت واري سنڌي پيڊ تان ) استعمال ڪندو آهيان، شايد توهان جي سسٽم جو ڪو مسئلو آهي۔ ورنه مون وٽ ته ايم بي سنڌي پڻ انسٽال ٿيل آهي، ۽ مان سنڌ سلامت جي ميمبر ٿيڻ کان به پهرين ايم بي سنڌي وارو ڪي بورڊ استعمال ڪندو هئس۔ جڏهن ته ان وقت ۾ مان سنڌ سلامت کان واقف به نه هئس۔

ٿي سگهي ٿو ادا ان وقت ڪو مسئلو هجي پر هاڻي ٺيڪ آهي