سُڌ سماءَ...01.. محمد خان سيال

ـ * منهنجو ضمير نٿو مڃي، سزا ملي ته جيل مان به ڪردار ادا ڪندس: نواز شريف (خبر) ـ
... ڀلا، ضمير هوندو ته مڃيندو نه؟ (تبصرو) ـ

ـ * سنڌ ۾ ڦرلٽ جي بازار گرم آهي، پائي پائي هڙپ ٿئي ٿي: سپريم ڪورٽ (خبر)
....ڳالهه سمجھه ۾ ڪانه آئي، پائي پائي ته هاڻ رهي ناهي، اربن ۽ کربن جو قصوهجي ها ته ٻي ڳالهه هئي (تبصرو) ـ

ـ * اسان ئي سنڌ ۾ ترقياتي ڪم ڪرايا آهن: نواز ليگ جو وزيراعظم شاهد خاقان عباسي (خبر) ـ
.... درست! تڏهن ته سنڌ ۾ کير ۽ ماکيءَ جون ننديون وهن پيون! (تبصرو) ـ

ـ * آصف زرداريءَ جو چوڻ آهي: نواز شريف سان گڏ جنت ۾ وڃڻ لاءِ تيار ناهيان (خبر) ـ
... ٿي سگھي ٿو ته ٻيئي دوزخ ۾ گڏ وڃڻ لاءِ سهمت هجن! (تبصرو) ـ

ـ * وفاقي بجيٽ: ڪراچيءَ لاءِ 25 ارب رپين جو پيڪيج منظور ڪيو ويو (خبر) ـ.
...حڪمران نواز ليگ کي “رهيل سنڌ” لاءِ پيڪيج ڏيڻ تي سدائين وانگيان ٻرو ٿو چڙهي (تبصرو) ـ

ـ * ڪجھه ليکڪ/ صحافي ”ياري“ نڀائڻ خاطر، تازو سياست ۾ آيل هڪ صحافيءَ کي، سنڌ جو وڏو وزير بڻائي رهيا آهن (خبر) ـ
...اهو عام چونڊن ۾ رڳو هڪ صوبائي سيٽ کٽي سگھي ته وڏي ڳالهه چئبي (تبصرو) ـ