فقير محمد سنڌي
سينيئر رڪن
نوجوان ليکڪ ، اديب ، ڪالمنگار ۽ استاد : سعيد چانڊيو
فقير محمد سنڌي
سعيد چانڊيي جو جنم هاڻوڪي ضلعي قمبر شهداد ڪوٽ جي جاگير واري علائقي ۾ 8 فيبروري 1991ع تي سماجي شخصيت ڊاڪٽر محمد شريف چانڊيي جي گهر ۾ ٿيو. ڊاڪٽر محمد شريف پنهنجي تَر ڳوٺ نهال جي وانڍ جو واحد پڙهيو لکيو شخص هو ، تنهنڪري کيس تَر جي چڱن مٺن کان وڌيڪ عزت جي نگاھ سان ڏٺو ويندو هو . کيس ٽن پٽن ۽ ٽن نياڻين جي اولاد مان سعيد چانڊيو پٽن جي فهرست ۾ آخري نمبر تي آهي. ڊاڪٽر صاحب کي سندس سماجي ڪمن عيوض مليل موٽ ان وقت جي چڱن مٺن کان برداشت ڪو نه ٿي ۽ 1996ع ۾ کيس قتل ڪرايو ويو. سعيد تعليم جي سلسلي ۾ پنهنجو گھر ڇڏي پنهنجي پڦيءَ وٽ قمبر ۾ رهڻ لڳو ، جتي هن پرائمريءَ جا پنج درجا گورنمينٽ پرائمري اسڪول ٻرڙا ڪالوني قمبر مان پاس ڪيا. جنهن کان پوءِ گورنمينٽ هاءِ اسڪول باگوديرو قمبر ۾ اٺين جماعت تائين پڙهيو. ان دوران سندس مائٽن قمبر کان نقل مڪاني ڪري اچي لاڙڪاڻي شهر ۾ سڪونت اختيار ڪئي ، ۽ اهڙيءَ ريت سعيد به اچي لاڙڪاڻي ۾ رهڻ لڳو ، جتي ميٽرڪ تائين گورنمينٽ پائليٽ هائير سيڪنڊري اسڪول ۾ زير تعليم رهيو. 2006ع ۾ ميٽرڪ مڪمل ڪرڻ کان پوءِ 2008ع ۾ گورنمينٽ ڊگري ڪاليج لاڙڪاڻي مان انٽر جو امتحان پاس ڪيائين. اهڙيءَ طرح شاھ عبداللطيف يونيورسٽي خيرپور مان 2011ع ۾ گريجوئيشن ڪرڻ کان پوءِ سنڌ يونيورسٽي ڄام شوري مان ماسٽرس سنڌي ادب ۾ ڪيائين. ماسٽرس دوران پوري شعبي ۾ ٻيو نمبر آيو ۽ ان عيوض کيس ڊپارٽمينٽل شيلڊ سان نوازيو ويو. سعيد ماسٽرس ڪرڻ کان پوءِ هڪ خانگي ڪاليج جو وائيس پرنسپال مقرر ٿيو، ان دوران 2015ع ۾ سنڌ يونيورسٽي ڪئمپس لاڙڪاڻي ۾ ڪانٽريڪٽ تي ليڪچرار مقرر ٿيو ، جتي هن ٻن سالن تائين درس تدريس جا فرائض سرانجام ڏنا. 2017ع ۾ ڪئمپس کي الوداع چئي هائيرسيڪنڊري ماڊل اسڪول ڪيڊٽ لاڙڪاڻي ۾ سنڌي مضمون جي ماهر طور مقرر ٿيو، جتي اڄ ڏينهن تائين پنهنجون خدمتون سرانجام ڏئي رهيو آهي.
سعيد لکڻ جي شروعات سنڌ يونيورسٽي سنڌي شعبي ۾ قائم اسٽڊي سرڪل پاران شايع ٿيندڙ ادبي منظر مئگزين ۾ ليک سان ڪئي .هن باقاعده لکڻ جي شروعات ماسٽرس دوران آخري سال ۾ ڊاڪٽر نبي بخش خان بلوچ جي سخنوري جي عنوان سان مونوگراف ٿيسز لکي ڪري ڪئي . اهڙيءَ طرح ادبي ميدان ۾ تحقيقي ڪم کان پوءِ مسلسل مختلف اخبارن ۽ رسالن ۾ لکندو رهي ٿو. سعيد بنيادي طور تي نثرنويس آھي ، سندس لکڻين مان اھو اندازو لڳائي سگھجي ٿو تہ سعيد جو مطالعو چڱوخاصو آھي . سعيد چانڊيي جو پهريون ڪتاب شاھ عبداللطيف جي شاعريءَ ۾ آيل هدايتن جي موضوع تي ساڃاھ جا سرچشما جي عنوان سان 2017ع ۾ ڇپيو آهي . سعيد چانڊيي جو خاندان 2012ع ۾ ڳوٺ نهال جي وانڍ کي الواع ڪري لاڙڪاڻي ۾ مستقل رهڻ لڳو آهي. سندس هن وقت رهائش نظر محلا لاڙڪاڻي ۾ آهي .
فقير محمد سنڌي
سعيد چانڊيي جو جنم هاڻوڪي ضلعي قمبر شهداد ڪوٽ جي جاگير واري علائقي ۾ 8 فيبروري 1991ع تي سماجي شخصيت ڊاڪٽر محمد شريف چانڊيي جي گهر ۾ ٿيو. ڊاڪٽر محمد شريف پنهنجي تَر ڳوٺ نهال جي وانڍ جو واحد پڙهيو لکيو شخص هو ، تنهنڪري کيس تَر جي چڱن مٺن کان وڌيڪ عزت جي نگاھ سان ڏٺو ويندو هو . کيس ٽن پٽن ۽ ٽن نياڻين جي اولاد مان سعيد چانڊيو پٽن جي فهرست ۾ آخري نمبر تي آهي. ڊاڪٽر صاحب کي سندس سماجي ڪمن عيوض مليل موٽ ان وقت جي چڱن مٺن کان برداشت ڪو نه ٿي ۽ 1996ع ۾ کيس قتل ڪرايو ويو. سعيد تعليم جي سلسلي ۾ پنهنجو گھر ڇڏي پنهنجي پڦيءَ وٽ قمبر ۾ رهڻ لڳو ، جتي هن پرائمريءَ جا پنج درجا گورنمينٽ پرائمري اسڪول ٻرڙا ڪالوني قمبر مان پاس ڪيا. جنهن کان پوءِ گورنمينٽ هاءِ اسڪول باگوديرو قمبر ۾ اٺين جماعت تائين پڙهيو. ان دوران سندس مائٽن قمبر کان نقل مڪاني ڪري اچي لاڙڪاڻي شهر ۾ سڪونت اختيار ڪئي ، ۽ اهڙيءَ ريت سعيد به اچي لاڙڪاڻي ۾ رهڻ لڳو ، جتي ميٽرڪ تائين گورنمينٽ پائليٽ هائير سيڪنڊري اسڪول ۾ زير تعليم رهيو. 2006ع ۾ ميٽرڪ مڪمل ڪرڻ کان پوءِ 2008ع ۾ گورنمينٽ ڊگري ڪاليج لاڙڪاڻي مان انٽر جو امتحان پاس ڪيائين. اهڙيءَ طرح شاھ عبداللطيف يونيورسٽي خيرپور مان 2011ع ۾ گريجوئيشن ڪرڻ کان پوءِ سنڌ يونيورسٽي ڄام شوري مان ماسٽرس سنڌي ادب ۾ ڪيائين. ماسٽرس دوران پوري شعبي ۾ ٻيو نمبر آيو ۽ ان عيوض کيس ڊپارٽمينٽل شيلڊ سان نوازيو ويو. سعيد ماسٽرس ڪرڻ کان پوءِ هڪ خانگي ڪاليج جو وائيس پرنسپال مقرر ٿيو، ان دوران 2015ع ۾ سنڌ يونيورسٽي ڪئمپس لاڙڪاڻي ۾ ڪانٽريڪٽ تي ليڪچرار مقرر ٿيو ، جتي هن ٻن سالن تائين درس تدريس جا فرائض سرانجام ڏنا. 2017ع ۾ ڪئمپس کي الوداع چئي هائيرسيڪنڊري ماڊل اسڪول ڪيڊٽ لاڙڪاڻي ۾ سنڌي مضمون جي ماهر طور مقرر ٿيو، جتي اڄ ڏينهن تائين پنهنجون خدمتون سرانجام ڏئي رهيو آهي.
سعيد لکڻ جي شروعات سنڌ يونيورسٽي سنڌي شعبي ۾ قائم اسٽڊي سرڪل پاران شايع ٿيندڙ ادبي منظر مئگزين ۾ ليک سان ڪئي .هن باقاعده لکڻ جي شروعات ماسٽرس دوران آخري سال ۾ ڊاڪٽر نبي بخش خان بلوچ جي سخنوري جي عنوان سان مونوگراف ٿيسز لکي ڪري ڪئي . اهڙيءَ طرح ادبي ميدان ۾ تحقيقي ڪم کان پوءِ مسلسل مختلف اخبارن ۽ رسالن ۾ لکندو رهي ٿو. سعيد بنيادي طور تي نثرنويس آھي ، سندس لکڻين مان اھو اندازو لڳائي سگھجي ٿو تہ سعيد جو مطالعو چڱوخاصو آھي . سعيد چانڊيي جو پهريون ڪتاب شاھ عبداللطيف جي شاعريءَ ۾ آيل هدايتن جي موضوع تي ساڃاھ جا سرچشما جي عنوان سان 2017ع ۾ ڇپيو آهي . سعيد چانڊيي جو خاندان 2012ع ۾ ڳوٺ نهال جي وانڍ کي الواع ڪري لاڙڪاڻي ۾ مستقل رهڻ لڳو آهي. سندس هن وقت رهائش نظر محلا لاڙڪاڻي ۾ آهي .