اداڪار ۽صداڪار اي آر بلوچ : فقير محمد سنڌي اداڪار اي آر بلوچ، سنڌي ڊرامن ۾ پنهنجي آواز ذريعي هڪ الڳ سڃاڻپ ٺاهي، هن کي فني دنيا ۾ آڻيندڙ اداڪار فريد نواز بلوچ هو، اي آر بلوچ حيدرآباد جي پڪي قلعي تي 15 مارچ 1923ع اميد علي بلوچ جي گهر جنم ورتو. بلوچ صاحب رائل ايئر فورس م نوڪري ڪئي نوڪري ڪرڻ دؤران نماز پڙهڻ جي اجازت نه ملڻ تي آفيسر سان سندس منهن ماري ٿي. جنهنڪري کيس چريو قرار ڏئي نوڪري مان ڪڍي کيس گدو ۾ چرين جي اسپتال ۾ داخل ڪيو ويو. اسپتال مان صحتياب ٿيڻ تي اسپتال جي هڪ ڊاڪٽر پنهنجي نياڻي سندس نڪاح ۾ ڏني. جنهن مان کيس هڪ پٽ ۽ چار نياڻين جو اولاد ٿيو. ريڊيو پاڪستان تي انور بلوچ ۽ ٽي وي تي عبدالڪريم بلوچ صاحب متعارف ڪرايس . بلوچ صاحب ٽي وي تي پهريون ڊرامو جيڪو آغا رفيق جو لکيل هو ڪيو. جنهنجو نالو هو. خوابن جو سوج“ سنڌي فلمن. ليلي مجنون. بادل ۽ برسات. رت ۽ اجرڪ م پڻ اداڪاري ڪئي. ڊرامن. م ديوارين. جهنگل. هٿين گل ميندي. دنگي منجه دريا هئا. سندس ڊرامون بخت خان بيحد مشهور ٿيو . سندس آخري ڊرامو ٽيپو سلطان هو، اي آر بلوچ جو اصل نالو عبدالرسول شاهاڻي هو. آخري ۾ اي آر بلوچ تي فالج جو حملو ٿيو جنهن جي ڪري ڪافي عرصو بيمار رهيو، پر ڪنهن جي آڏو هٿ نه ٽنگيائون، 82 سالن جي عمر ۾ مالڪي حقيقي سان وڃي مليو. اي آر بلوچ پهرين جولا 2005ع تي الشفا ڪراچي ۾ وفات ڪئي.
