سر سريراڳ جو فلسفو۔ (Siri Rag) شاهه جي رسالي ۾ هڪ سر جو نالو. ”سري راڳ“، هندوستان جي مکيه راڳن مان هڪ آهي. ان جي ڳائڻ جو مکيه وقت، شام 4 وڳي کان 8 وڳي تائين هوندو آهي. هي هڪڙو ئي مکيه راڳ آهي، جيڪو شاهه جي رسالي ۾ آهي. هن سر ۾ شاهه صاحب، مهراڻ، معلمن، ملاحن ، غواصن ،سامونڊين، ٻيڙين، ٻيڙياتن، غورابن، ۽ جهازن جي مثالن وسيلي انسان کي روحاني هدايت ڏني آهي. ⬅⬅⬅⬅⬅⬅➡ لُڙَ، لَهِريون، لَسَ، ليٽَ، جِتي اَنتُ نه آبَ جو؛ الله! اُتِ مَ اولِئَين، ٻيڙا مَٿي ٻيٽَ؛ جوکو ٿِئي مَ جَهازَ کي، ڦَرَهي اَچي مَ ڦيٽَ؛ لڳي ڪا مَ لَپيٽَ، هِنَ غارِيـبي غُرابَ کي! سِڙهَ سَنوان، لاڄُو نَوان، مُهاڻا سندن مِيرَ؛ ساٿِي سَفَرِ هَليا، ٿِيا سَڻاوا سِيرَ؛ جي اَچَنِ ساڻُ اُڪِيرَ، سي ٻيڙا رَکِين ٻاجَھ سين.
