اصول پيار جا ڪنهن کان سڄڻ سکيو آھين

[سليمان وساڻ]

زاهد شيخ

اصول پيار جا ڪنهن کان سڄڻ سکيو آھين
عجيب ڳالھ آ هاڻي ھٽڻ سکيو آھين

اسان جي آڏو اجايو هڪو ٻڪو ڇو آن
چوڻ جي ڳالھ ڇو دل ۾ رکڻ سکيو آھين

رسڻ ۾ آھي مزو جيڪو سو بہ پرچڻ سان
تون هيل اڳوپو يار رسڻ سکيو آھين

جواب ڪهڙا خطن جا لکان ٻڌاء کڻي
سوال ابتا ئي ابتا پڇڻ سکيو آھين

ڏسي تون راھ ۾ زاهد کي منهن مٽائين ٿو
مان ڪهڙي منهن سان ڏسان منهن ڍڪڻ سکيو آھين.