سڳو به ناهي سنگهر به ناهي ڇنان هي ناتو ڇني نه سگهندس

[عبيد ٿھيم]

سڳو به ناهي سنگهر به ناهي ڇنان هي ناتو ڇني نه سگهندس
سرير تان کل لهي نه سگهندي، بدن منجهان دل ڪڍي نه سگهندس

رقيب کي به سهي سگهان ٿو، لڇان ٿو پيو پر ڇڄي نه وڃ تون
زهر جو ڳوڙهو ڳهي سگهان ٿو ، مگر وڇوڙو سهي نه سگهندس

وري وري ڇو ڪرين ٿي پارت، غيور ٿڃ تي يقين رک تون
ترار ڪنهن جي سهي سگهان ٿو، ميار تنهنجي سهي نه سگهندس

لذيذ کاڌا حسين حورون زرين ماڙيون مگر خدايا
اتي به ڪنهن جو غلام بڻجي گهڙي به هڪڙي رهي نه سگهندس

ڪڪر زمين تي ڄمي نه سگهندا، ٽڪر هوا ۾ اڏي نه سگهندا
ستمگرن کي ڇڏيو ٻڌائي ڪسي سگهان ٿو جهڪي نه سگهندس
_
استاد بخاري

 

[شوڪت خاصخيلي - ڀان]

استاد بخاري