شبِ معراج جي مناسبت سان ( معراج: معجزهء عشق

[ممتاز علي وگهيو]

شبِ معراج جي مناسبت سان ( معراج: معجزهء عشق )​

رفيق جوڻيجو

معراج شريف رب تعاليٰ جو حضور صلي الله عليه وسلم سان محبت جو اعليٰ ترين مثال آهي. ان مان حضور صلي الله عليه وسلم جن جو اهو ڪمال قرب ظاهر ٿئي ٿو جيڪو مخلوق الاهي ۾ فقط پاڻ ڪريم صه کانسواءِ ڪنهن کي به حاصل نه آهي. نبوت جي ٻارهين سال حضور صلي الله عليه وسلم معراج سان نوازيا ويا. قرآن پاڪ به شاهدي ڏني آهي ته، ”پاڪ آهي اها ذات، جنهن پنهنجي ٻانهي کي راتو رات مسجد الحرام کان مسجد اقصيٰ تائين جو سفر طئي ڪرايو. ( سوره بني اسرائيل) الله تعاليٰ قرآن ڪريم ۾ حضور صلي الله عليه وسلم سان تمام گهڻن جڳهن تي پنهنجي محبت ۽ قربت جون تمام گهڻيون فضيلتون بيان ڪيون آهن، پنهنجي حڪم کي حضور صلي الله عليه وسلم سان منسوب رکيو آهي. جيئن فرمايو ويو ته، جنهن رسول صه جو حڪم مڃيو، بيشڪ ان الله تعاليٰ جو حڪم مڃيو. جيڪو به رسول صه جي اطاعت ڪندو، اهو ئي مطيع هوندو (سوره نساءِ) الله ۽ رسول صه جي اطاعت ڪريو، جيئن توهان تي رحم ڪيو وڃي (سوره آل عمران) الله ۽ رسول صه جي اطاعت ڪريو (سوره الانفال).

سڀ کان پهريائين حضور صه جو نور مبارڪ پيدا ڪيو ( نوٽ هن ڳالهه تي عالمن جا مختلف نقته نظر آهن ۔۔۔ممتاز ) ويو، مقام محمود ۽ حوض ڪوثر عطا ٿيو. مطلب ته هر لحاظ کان حضور صلي الله عليه وسلم کي شان اوليت عطا ٿي. هن ڪائنات ۾ الله تعاليٰ جا انسانن جي مٿان تمام وڏا احسان ۽ انعام آهن. اهو رب تعاليٰ جو حسن عشق جو اعليٰ تعلق آهي جو ان پنهنجي وحدانيت جو اعلان پاڻ ڪريم صه کان ڪرايو.

حضرت محمد صلي الله عليه وسلم عشق الاهي ۾ ايتري ته ڪثرت سان عبادت ڪندا هئا، جو سندن قدم مبارڪ سڄي ويندا هئا.

هي عشق دا جلوا هر هر دا، سبحان الله ، سبحان الله​

خود عاشق خود محبوب بڻا، سبحان الله، سبحان الله​

اهو سندن شان مبارڪ آهي جو رب تعاليٰ کين ديدار سان نوازيو، جيڪو ڪنهن به نبي ۽ رسول کي عطا نه ٿيو. معراج لاءِ روانا ٿيڻ وقت پاڻ صلي الله عليه وسلم پنهنجي سوٽ جي گهر ستل هئا، تنهن وقت سندن ڪنن مبارڪن تي آواز پيو ته، ”اٿي ويهه.“ پاڻ جڏهن جاڳيا ته سامهون حضرت جبرائيل عليه السلام حاضر هو ۽ سندس هٿ ۾ هڪ عجيب سواري براق هئي، جنهن پاڻ سڳورن صلي الله عليه وسلم کي ڏسندي ئي پنهنجي پٺي سڌي ڪئي ۽ حضور صه ان تي سوار ٿيا. براق اک ڇنڀ ۾ مڪي پاڪ جي جبلن ۽ صحرا کي پوئتي ڇڏي طورِ سينا جبل جي ان مقام تي پهتو، جتي رب ڪريم حضرت موسيٰ عليه السلام کي هم ڪلامي جو شرف عطا ڪيو هو. هتان هڪ ڊگهي سفر جي شروعات ٿي، جتي وک وک تي رسول الله صلي الله عليه وسلم کي ترسڻ لاءِ هلڪا هلڪا آواز ٻڌڻ ۾ ايندا پئي رهيا، پر پاڻ صلي الله عليه وسلم ڪٿي به نه ترسيا. پاڻ صلي الله عليه وسلم ڄاتو پئي ته خدا کي جنهن مقام تي کين روڪڻ منظور هوندو، اتي خود براق بيهي رهندو. ائين براق بيت المقدس اچي پهتو، پاڻ صلي الله عليه وسلم اتي لٿا، جتي حضرت ابراهيم عه، حضرت موسيٰ عه، حضرت عيسيٰ عه سان گڏ هيڪل سليماني تي بيهي نماز پڙهيائون. ان کانپوءِ پهرين آسمان تي پهتا ۽ سفر ڪندا ستين آسمان تائين پهتا. حضور صلي الله عليه وسلم جن عجائبات ڏسندا سدرت المنتهيٰ تي اچي پهتا، جيڪو عرش جي ساڄي پاسي آهي. حضور صه اتان نظر هٽائي ته هڪ دريا ڇوليون هڻندو نظر آيو، جنهن جي ٻئي پار اک جيسيتائين پئي وئي، تيستائين نور جو هڪ ميدان ٿي ڏٺو. سدرت المنتهيٰ اهڙي جاءِ آهي، جتي الله تعاليٰ جا حڪم حاصل ڪيا ويندا آهن ۽ هتي ئي سڀني ملائڪن جي رڪجڻ جي جاءِ آهي. هتي حضرت جبرائيل عه عرض ڪيو، جيڪڏهن آئون هڪ آڱر جيترو به اڳتي ويندس ته منهنجا پر سڙي ويندا. اتي حضور صلي الله عليه وسلم حضرت جبرائيل عه کي فرمايو، تنهنجي ڪا ئي حاجت آهي ته ٻڌاءِ! تنهن تي حضرت جبرائيل عه عرض ڪيو، ”منهنجي تمنا آهي ته بارگاه الاهي ۾ عرض ڪجو ته ڏينهن قيامت منهنجي پرن کي وڌيڪ ويڪرو ڪيو وڃي ته جيئن اوهان جي امت کي پلصراط تان پنهنجي پرن جي ذريعي گذاري سگهان. ان کانپوءِ حديث شريف ۾ آيو آهي ته پوءِ حضور صه کي بيت المعمور تي آندو ويو. هي اها جاءِ آهي جيڪا حضرت آدم عه جي زمين تي اچڻ سان گڏ ان جي رهڻ لاءِ لاٿي وئي هئي. هي جاءِ خانه ڪعبه جي بلڪل مٿان آهي. جهڙي طرح زمين تي انسان خانه ڪعبه جو طواف ڪندا آهن، اهڙي طريقي سان آسمان تي فرشتا هن جاءِ جو طواف ڪندا آهن. انکانپوءِ حضور صلي الله عليه وسلم کي جنت ۽ دوزخ جو نظارو ڪرايو ويو، جنهن ۾ جنت کي رب تعاليٰ جي رحمت جو مظهر ڏٺائون ۽ دوزخ کي عذاب. جڏهن ته جنت کليل هئي ۽ دوزخ بند. انکانپوءِ حضور صلي الله عليه وسلم چشمي مان غسل فرمايو۽ کين تاج پهرايو ويو. پاڻ سڳورن صلي الله عليه وسلم تان ربِ ڪائنات جا حجابات هٽندا ويا. روايت آهي ته اهي 70 نوراني مختلف قسم جا هئا، جنهن جي هر هڪ حجاب جو سفر 500 سال هو. حديث ۾ آهي ته معراج جي رات الله تعاليٰ حـضور صلي الله عليه وسلم جي ٻنهي ڪلهن مبارڪن جي وچ ۾ پنهنجي قدرت مبارڪ جو هٿ رکيو ته ٻئي جهان روشن ٿي ويا ۽ ٻنهي جهانن جو علم عطا ڪيو ويو. انهن علمن ۾ هڪ اهڙو علم هو جنهن کي ظاهر نه ڪرڻ جو واعدو ورتو ويو، ڇو ته اهو اهڙو علم هو جنهنجو ٻڌڻ ٻين لاءِ برداشت کان ٻاهر هو. ٻيو اهڙو علم هو جنهنجو کين اختيار ڏنو ويو ته ان کي ظاهر ڪري يا لڪائي. ٽيون اهڙو علم هو جنهن لاءِ سندن امت جي هر خاص ۽ عام لاءِ تبليغ ڪرڻ جو حڪم ڏنو ويو. جڏهن حضور صلي الله عليه وسلم واپس اچڻ لاءِ هن عالم ۾ ارادو ڪيو ته بارگاه الاهي ۾ عرض ڪيائون، يا الله! هر مسافر جي واپسي وڃڻ تي تحفو هوندو آهي، منهنجي امت جي لاءِ هن سفر جو تحفو ڇا آهي؟ حق تعاليٰ فرمايو: اهو ته هر حال ۾ انهن جو مددگار رهندس. پاڻ ڪريم صلي الله عليه وسلم جن پنهنجي محبوب رب تعاليٰ سان مليا ۽ پنهنجي خالق ۽ مالڪ جو ديدار ڪيائون.

حضور صلي الله عليه وسلم جن جو معراج دراصل انسانيت جو معراج آهي، جنهن ۾ الله تعالي! حضرت محمد صلي الله عليه وسلم جن کي عرش عظيم تي آڻي انسان جي رتبي کي بلندي ۽ ڪمال بخشيو. دنيا جي تاريخ جو جائزو وٺنداسين ته حقيقت پڌري ٿي پوندي ته مڪي جو هي يتيم ٻارڙو ۽ بادشاهيءَ ۾ به مسڪينيءَ جو شاندار مثال قائم ڪندڙ شهنشاهه اعظم حضرت محمد صلي الله عليه وسلم ئي دنيا جي واحد عظيم ۽ ڪامل هستي آهي ۽ سندن معراج انسانيت جو اجتماعي معراج آهي.

ما رميت اذ رميت احمد است​

ديدن او ديدن خالق شد است (رومي)​

 

[رنجيت]

جواب: شبِ معراج جي مناسبت سان ( معراج: معجزهء عشق

ادا ممتاز !‌ سائين رفقيق جوڻيجي صاحب جو اهو ليک پڙهيو سين۔ مونکي ياد آهي ته جڏهن ڊسمبر 2008 ۾‌مان سنڌ ۾ دوستن کان موڪلائڻ‌جي لا‌ پنهنجون پوريون پوريون 5 راتيون انهن دوستن سان گذاريون۔ تڏهن ڪنهن دوست وچ اڱڻ‌ ۾‌ باهه جي مچ تي پاڻ‌سڳورن جي اها معراج واري ڳالهه ٻڌائي هئي۔ حالانڪه مون اها ڳالهه اڳ به ڪيترائي ڀيڙا ٻڌي ۽ پڙهي آهي۔ پو به اڄ الائي ڇو وري پڙهڻ‌ تي دل ٿي۔ توهان جي مهرباني جو اهڙو معلوماتي ليک ونڊ ڪيو اَٿوَ۔۔۔۔

لک لائق

 

[نثارابڙو]

جواب: شبِ معراج جي مناسبت سان ( معراج: معجزهء عشق

دوستو! معراج جو واقعو بيشڪ الله جي رسول جو اعزاز آهي ۽ معراج کانپوءِ سندس ّشخصيت ۾ اهڙو ته نکار آيو جو، پاڻ رحمت العالمين جي درجي تي وڃي پهتا ۔۔۔

پر اوهان دوستن کان سوال به آهي ۽ هڪ عرض به ته ؛ الله تعالا کي بذات خود ڪائنات جي ڪنهن به شخص نه ڏٺو آهي ۽ نه انجي شڪل يا تصوير ڪنهنجي ذهن ۾ اچي سگهي ٿي، الله جا رسول هجن يا ولي الله هجن يا الله جي ڪيترا به ويجها هجن پر هن دنيا ۾ الله جي ذات کي ڪنهن ڪونه ڏٺو آهي، انڪري جيڪي ماڻهون اهو چون ٿا ته الله جي رسول کي معراج وقت الله جو ديدار ٿيو سي من گهڙت ڳالهه ڪنٿا، ڇاڪاڻ ته حديثن مان يا قرآن مان ڪا به اهڙي ڳالهه ثابت ناهي ته الله جي رسول الله تعالا جو ديدار ڪيو۔ ان ۾ ڪو به شڪ ناهي ته معراج جو واقعو ٿيو، جنت دوزخ جا حصا ڏيکاريا ويا، رسولن ۽ پيغمبرن سان ملاقاتون ٿيون، آسمان ۽ زمين جا ڪجهه راز ظاهر ٿيا، عبادتن ۾ نماز 5 وقت فرض ڪرائي وئي وغيره وغيره ۔۔۔ پر ديدار نه ٿيو ۔۔۔۔

حضرت موسا به جڏهن الله تعالا کي عرض ڪيو ته کيس ديدار ڪرايو وڃي ته رب العالمين کيس چيو ته تنهنجي اها سگهه ناهي جو تون مونکي ڏسي سگهين، انڪري جڏهن طورسينا پهاڙ تي نور جي هڪ تجلي ڏيکاري وئي ته حصرت موسا عليه السلام بيهوش ٿي ويا ۽ پهاڙ سڙي ويو ۔۔۔

اوهان دوستن وٽ ڪا اهڙي سند هجي ته الله جي رسول حضرت محمد صلي الله عيله وسلم جن الله جو ديدار ڪيو ته مهرباني ڪري اسانجي به رهنمائي ڪندا ۔۔۔۔

 

[ممتاز علي وگهيو]

جواب: شبِ معراج جي مناسبت سان ( معراج: معجزهء عشق

دوستو! معراج جو واقعو بيشڪ الله جي رسول جو اعزاز آهي ۽ معراج کانپوءِ سندس ّشخصيت ۾ اهڙو ته نکار آيو جو، پاڻ رحمت العالمين جي درجي تي وڃي پهتا ۔۔۔

پر اوهان دوستن کان سوال به آهي ۽ هڪ عرض به ته ؛ الله تعالا کي بذات خود ڪائنات جي ڪنهن به شخص نه ڏٺو آهي ۽ نه انجي شڪل يا تصوير ڪنهنجي ذهن ۾ اچي سگهي ٿي، الله جا رسول هجن يا ولي الله هجن يا الله جي ڪيترا به ويجها هجن پر هن دنيا ۾ الله جي ذات کي ڪنهن ڪونه ڏٺو آهي، انڪري جيڪي ماڻهون اهو چون ٿا ته الله جي رسول کي معراج وقت الله جو ديدار ٿيو سي من گهڙت ڳالهه ڪنٿا، ڇاڪاڻ ته حديثن مان يا قرآن مان ڪا به اهڙي ڳالهه ثابت ناهي ته الله جي رسول الله تعالا جو ديدار ڪيو۔ ان ۾ ڪو به شڪ ناهي ته معراج جو واقعو ٿيو، جنت دوزخ جا حصا ڏيکاريا ويا، رسولن ۽ پيغمبرن سان ملاقاتون ٿيون، آسمان ۽ زمين جا ڪجهه راز ظاهر ٿيا، عبادتن ۾ نماز 5 وقت فرض ڪرائي وئي وغيره وغيره ۔۔۔ پر ديدار نه ٿيو ۔۔۔۔

حضرت موسا به جڏهن الله تعالا کي عرض ڪيو ته کيس ديدار ڪرايو وڃي ته رب العالمين کيس چيو ته تنهنجي اها سگهه ناهي جو تون مونکي ڏسي سگهين، انڪري جڏهن طورسينا پهاڙ تي نور جي هڪ تجلي ڏيکاري وئي ته حصرت موسا عليه السلام بيهوش ٿي ويا ۽ پهاڙ سڙي ويو ۔۔۔

اوهان دوستن وٽ ڪا اهڙي سند هجي ته الله جي رسول حضرت محمد صلي الله عيله وسلم جن الله جو ديدار ڪيو ته مهرباني ڪري اسانجي به رهنمائي ڪندا ۔۔۔۔

ادا ابڙا صاحب توهان جي اهيا مهرباني جو توهان ان معلومات جو اضافو ڪيو ته (پر اوهان دوستن کان سوال به آهي ۽ هڪ عرض به ته ؛ الله تعالا کي بذات خود ڪائنات جي ڪنهن به شخص نه ڏٺو آهي ۽ نه انجي شڪل يا تصوير ڪنهنجي ذهن ۾ اچي سگهي ٿي، الله جا رسول هجن يا ولي الله هجن يا الله جي ڪيترا به ويجها هجن پر هن دنيا ۾ الله جي ذات کي ڪنهن ڪونه ڏٺو آهي، انڪري جيڪي ماڻهون اهو چون ٿا ته الله جي رسول کي معراج وقت الله جو ديدار ٿيو سي من گهڙت ڳالهه ڪنٿا، ڇاڪاڻ ته حديثن مان يا قرآن مان ڪا به اهڙي ڳالهه ثابت ناهي ته الله جي رسول الله تعالا جو ديدار ڪيو۔ ) ۽ مان ته پاڻ کي اهيا ميار ڏيندس ته مون ايترن سالن ۾ اهيا ڳالهه ڪنهن عالم کان ڇو؟ ناهي پڇي، جڏهن ته ٻين ڪيترين ئي ڳالههين تي عالمن سان گفتگو ۽ بحث مباحثا پڻ ٿيا آهن پر ڪڏهن ان طرف ته ڌيان ئي ناهي ويو۔ ۽ مان هميشه اهيو سمجهندو هئس ته (رب تعاليٰ کين ديدار سان نوازيو آهي ) ادا ابڙا صاحب مان به ان ذهن جو آهيان ته عقيدت ڀلي ڳالهه آهي مگر ان کان به ڀلي ڳالهه آهي حقيقت ۽ مان حق سچ ۽ حقيقت جي ڳولا ۾ هميشه رڌل رهيو آهيان ۽ دعا آهي رب پاڪ هر موڙ تي رهنمائي ڪري ۽ شين جي حقيقت کان واقف ڪري ( جيئن هو اصل ۾ اندران آهن ۽ اسان کي ان جي خبر نه آهي ) آمين
سائين ان باري ۾ ( الله جي رسول حضرت محمد صلي الله عيله وسلم جن کي رب تعاليٰ کين ديدار سان نوازيو، يا نه ) هاڻ عالمن کان پڇبو ۽ قرآن ۽ حديث جي روح سان رهنمائي وٺبي، انشاءالله تعاله۔

توهان جون مهربانيون ۽ نوازشون​

 

[مست]

جواب: شبِ معراج جي مناسبت سان ( معراج: معجزهء عشق

ادا ممتاز علي اهڙي بهترين ونڊ تي اوهان جا ٿورائتا آهيون۔۔۔
باقي ادا الله پاڪ جي ديدار جي ڳالهه آهي ته مون کي ناهي ياد ته ڪنهن به حديث يا آيت ۾ معراج وقت الله پاڪ جي ديدار جي متعلق ارشاد عرض ٿيو هجي۔۔۔
بلڪه قرآن جي مطابق ته الله هر لحاظ کان جسم و جسامت کان پاڪ آهي، انهيءَ ڪري پاڪ پروردگار جي ذات جو ديدار ناممڪن آهي۔۔ ۽ اهي ڳالهيون ڪندڙ سراسر غلط عقيدي تي آهن۔۔۔

 

[ALI AKBAR SHAR]

جواب: شبِ معراج جي مناسبت سان ( معراج: معجزهء عشق

مهرباني ادا تمام سٺي ونڊ ڪئي آهي تواهان الله تعاله ان جو ثواب ضرور ڏيندو

 

[بشيراحمد]

جواب: شبِ معراج جي مناسبت سان ( معراج: معجزهء عشق

سڀ کان پهريائين حضور صه جو نور مبارڪ پيدا ڪيو ( نوٽ هن ڳالهه تي عالمن جا مختلف نقته نظر آهن ۔۔۔ممتاز

انهي ڳالھ جو ثبوت نه قرآن مجيد ۾ آهي نه وري ڪنهن صحيح حديث ۾

اهو رب تعاليٰ جو حسن عشق جو اعليٰ تعلق آهي جو ان پنهنجي وحدانيت جو اعلان پاڻ ڪريم صه کان ڪرايو.

ليکڪ ڇا ٿو چوڻ چاهي ؟؟
ڇا الله تعالي جي لاءِ لفظ عشق جو استعمال جائز آهي جڏهن ته عشق هڪ جنوني بيماري جو نالو آهي تفصيل لا۽ ڏسوطب نبوي لابن قيم

هي عشق دا جلوا هر هر دا، سبحان الله ، سبحان الله
خود عاشق خود محبوب بڻا، سبحان الله، سبحان الله

رسول اڪرم ﷺ جي لاءِ به عاشق جو لفظ استعمال ڪرڻ جائز نه هڪ سب گذري چڪو آهي اهڙي طرح انهيءَ لفظ جي قباحت هن مان به ظاهر آهي ته جيڪڏهن ڪو شخص چوي ته هو پنهنجي ڀيڻ تي عاشق آهي ته هرڪو ان کي معيوب سمجهندو

اهو سندن شان مبارڪ آهي جو رب تعاليٰ کين ديدار سان نوازيو

هن مسئلي ۾ به زبردست اختلاف ام المومنين عائشه اهڙي ماڻهو کي ڪوڙو قرار ڏيندي هئي جيڪو انهيءَ طرح جي دعوي ڪندو هو .

حضرت جبرائيل عه عرض ڪيو، جيڪڏهن آئون هڪ آڱر جيترو به اڳتي ويندس ته منهنجا پر سڙي ويندا. اتي حضور صلي الله عليه وسلم حضرت جبرائيل عه کي فرمايو، تنهنجي ڪا ئي حاجت آهي ته ٻڌاءِ! تنهن تي حضرت جبرائيل عه عرض ڪيو، ”منهنجي تمنا آهي ته بارگاه الاهي ۾ عرض ڪجو ته ڏينهن قيامت منهنجي پرن کي وڌيڪ ويڪرو ڪيو وڃي ته جيئن اوهان جي امت کي پلصراط تان پنهنجي پرن جي ذريعي گذاري سگهان

هن عبارت کي صحيح حديث مان ثابت ڪرڻ ليکڪ جي ذميداري آهي

حديث ۾ آهي ته معراج جي رات الله تعاليٰ حـضور صلي الله عليه وسلم جي ٻنهي ڪلهن مبارڪن جي وچ ۾ پنهنجي قدرت مبارڪ جو هٿ رکيو ته ٻئي جهان روشن ٿي ويا ۽ ٻنهي جهانن جو علم عطا ڪيو ويو. انهن علمن ۾ هڪ اهڙو علم هو جنهن کي ظاهر نه ڪرڻ جو واعدو ورتو ويو، ڇو ته اهو اهڙو علم هو جنهنجو ٻڌڻ ٻين لاءِ برداشت کان ٻاهر هو. ٻيو اهڙو علم هو جنهنجو کين اختيار ڏنو ويو ته ان کي ظاهر ڪري يا لڪائي. ٽيون اهڙو علم هو جنهن لاءِ سندن امت جي هر خاص ۽ عام لاءِ تبليغ ڪرڻ جو حڪم ڏنو ويو. جڏهن حضور صلي الله عليه وسلم واپس اچڻ لاءِ هن عالم ۾ ارادو ڪيو ته بارگاه الاهي ۾ عرض ڪيائون، يا الله! هر مسافر جي واپسي وڃڻ تي تحفو هوندو آهي، منهنجي امت جي لاءِ هن سفر جو تحفو ڇا آهي؟ حق تعاليٰ فرمايو: اهو ته هر حال ۾ انهن جو مددگار رهندس. پاڻ ڪريم صلي الله عليه وسلم جن پنهنجي محبوب رب تعاليٰ سان مليا ۽ پنهنجي خالق ۽ مالڪ جو ديدار ڪيائون

هن عبارت کي صحيح حديث مان ثابت ڪرڻ ليکڪ جي ذميداري آهي

حضرت محمد صلي الله عليه وسلم جن کي عرش عظيم تي آڻي انسان جي رتبي کي بلندي ۽ ڪمال بخشيو. دنيا جي تاريخ جو جائزو وٺنداسين ته حقيقت پڌري ٿي پوندي ته مڪي جو هي يتيم ٻارڙو ۽ بادشاهيءَ ۾ به مسڪينيءَ جو شاندار مثال قائم ڪندڙ شهنشاهه اعظم حضرت محمد صلي الله عليه وسلم ئي دنيا جي واحد عظيم ۽ ڪامل هستي آهي ۽ سندن معراج انسانيت جو اجتماعي معراج آهي.

1 الله تعالي جي عرش تي ڪنهن غيرالله کي آڻڻ جو عقيدو شرڪ ۽ قران مجيد هن آيت جي خلاف آهي
[font="al_mushaf"]قُلْ لَوْ كَانَ مَعَهُ آَلِهَةٌ كَمَا يَقُولُونَ إِذًا لَابْتَغَوْا إِلَى ذِي الْعَرْشِ سَبِيلًا[/font](اسراء 42 )
(اي پيغمبر) چؤ ته جيڪڏھن ساڻس ٻيا معبود جھڙي طرح ھوندا آھن (تھڙي طرح) ھجن ھا ته اھي انھي دم عرش جي مالڪ ڏانھن راھ ڳولي لهن ها
2 لفظ شهنشاھ الله سواڪنهن ٻي جي لاءِ استعمال ڪرڻ کان رسول الله ﷺ جن روڪيو آهي .
[font="al_mushaf"]وَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَغْيَظُ رَجُلٍ عَلَى اللَّهِ يَوْمَ الْقِيَامَةِ وَأَخْبَثُهُ وَأَغْيَظُهُ عَلَيْهِ رَجُلٍ كَانَ يُسَمَّى مَلِكَ الْأَمْلَاكِ لَا مَلِكَ إِلَّا اللَّهُ[/font]
صحيح لمسلم

 

[ممتاز علي وگهيو]

جواب: شبِ معراج جي مناسبت سان ( معراج: معجزهء عشق

سائين بشير احمد صاحب توهان هن رفيق جوڻيجي جي لکيل مضمون (شبِ معراج جي مناسبت سان ( معراج: معجزهء عشق ) تي ڪافي ڇنڊ ڇاڻ ڪئي آهي، ۽ توهان جي ان ڇنڊ ڇاڻ جي ڪري اسان جي علم ۾ پڻ اضافو ٿيو جنهن لاء توهان جي مهرباني، سائين توهان شايد دين جا ڄاڻو ۽ عالم آهيو، جڏهن ته مان نه ڪو وڏو ڄاڻو آهيان ۽ نه وري ڪو عالم آهيان ۔
ادا بشير صاحب توهان جا اهي لک لائق جو توهان سنڌ سلامت تي ونڊ ٿيل لکڻين کي پنهنجي علم رستي درست ڪريو ٿا۔ اميد ته آئينده به توهان اهڙيون ڪوششون جاري ۽ ساري رکندا۔

 

[Mr.100]

جواب: شبِ معراج جي مناسبت سان ( معراج: معجزهء عشق

افسوس آهي اڄ جي مسلمان تي پنهنجي نبي جي شان کي اوچو ڪرڻ بجاء انجي شان کي چيلينج ڪري رهيا آهيو هر گالهه کي ثابت ڪرڻ لاء حديث يا قرآن جو حوالو گھرو ٿا، ڀلا ڪنهن حديث يا قرآن ۾ نماز پڙهڻ جوطريقو ٻڌايل آهي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ممتاز علي وگهيو]

جواب: شبِ معراج جي مناسبت سان ( معراج: معجزهء عشق

افسوس آهي اڄ جي مسلمان تي پنهنجي نبي جي شان کي اوچو ڪرڻ بجاء انجي شان کي چيلينج ڪري رهيا آهيو هر گالهه کي ثابت ڪرڻ لاء حديث يا قرآن جو حوالو گھرو ٿا، ڀلا ڪنهن حديث يا قرآن ۾ نماز پڙهڻ جوطريقو ٻڌايل آهي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

منهنجا ڀاء ان تحقيق ڪرڻ ۾ حضرت محمد مصطفه صلم جو شان خدا نه ڪري گهٽبو ڪو نه پر اڃان به وڌندو ۽ من گهڙت ۽ هٿ ٺوڪيون ڳالهيون سامهون اينديون، ( جيڪي ڪوڙيون ڳالهيون حضُور سائينجن ڏانهن منسوب ڪيون وينديون آهن اهي منهنجي خيال ۾ حضور سائين مٿان بهتان آهن جيڪو پڻ وڏو گناه آهي، ۽ اهيو به حديث مان ثابت آهي، الله ڪمي پيشي معاف ڪري هڪ حديث جو مفهوم آهي ته حضور سائينجن جو فرمان آهي ته جيڪو شخص ڪا اهڙي ڳالهه مون ڏانهن منسوب ڪري جنهن جو حقيقت سان ڪو واسطو نه هجي ، سمجهو ته ان پنهنجو ٺڪاڻو جهنم ۾ بنايو )
باقي توهان جي سوالن جي جواب لاء اسان به سائين بشير احمد صاحب کي عرض ڪنداسين ته ان جو قرآن ۽ حديث جي روشني ۾ جواب ڏين، سائين بشير صاحب جي جواب جو انتظار رهندو، ڇاڪاڻ ته بشير احمد صاحب مٿين عتراضن جا جواب ڏيڻ بجاء پاڻ به سوال ڇڏي ويو آهي، بهتر ته اهيو ٿيندو ته بشير احمد صاحب انهن عتراضن ( سوالن ) جا جواب قرآن ۽ حديث جي روشني ۾ ڏين۔اميد ته بشير احمد صاحب جواب ضرور ڏيندا۔