هر مهڻي تي ڏج مرڪي، نه ته ڳالهه کلي پوندي ڪاوڙ نه ڪجان تڪڙي، نه ته ڳالهه کلي پوندي چرچي تي ڪري چرچپ، هن ڳالهه جو رخ ڦيرج اُٿجان نه ڪڏهن ڀڙڪي، نه ته ڳالهه کلي پوندي هو مرڪي ڪندئي طنزون، ٽهڪن جا ڀتر هڻندئي، تون رهج فقط کلندي، نه ته ڳالهه کلي پوندي زخمن تي رکي آڱر، معصوم ٿي کوٽيندئي، اُف ڀي نه ڪجان ڪائي، نه ته ڳالهه کلي پوندي هي لوڪ ته ايئن ئي بس افسانا گهڙيندا پيا، وڃجانءِ نه تون بهڪي، نه ته ڳالهه کلي پوندي هر ٻل ٻه ارٿو رک، هل چال ڀي چوتالي، ڏِنگن سان ٿي پئهِ ڏِنگڙي، نه ته ڳالهه کلي پوندي ــــــــــــــــ ايم ڪمل
