آئون آهيان حڪيم محمد يوسف کتري

منهنجو نالو حڪيم محمد يوسف ولد محمد صالح کتري آهي آئون ماتلي ۾ 1959 ۾ پيدا ٿيس .ابتدائي تعليم ماتلي ۾ئي حاصل ڪيم ،انهيءَ کان پوءَ ماتلي مان لڏي ٽنڊو محمد خان جا وڻ ڏٺم ، ميٽرڪ جو امتحان 1975 ۾ ٽنڊو محمد خان هاءِ اسڪول مان پاس ڪيم ، انهيءَ سان گڏ طب سان لڳاؤ ڪري فاضل طب و جراحت جو امتحان پاس ڪيم.انهيءَ سان گڏوگڏ سنڌي ۾ ايم اي جو امتحان پاس ڪيم سنڌي ادب سان لڳاؤ ڪري ،ڪافي تحقيقي مضمون لکيم جيڪي نئين زندگي .لطيف ڊائجيسٽ ڪينجھر ۽ سوجھرو ۾ شايع ٿيا ، انهيءَ کان علاوه هڪ سنڌي اخبار بنام ڏات جاري ڪيم جنهن ڪافي ادبي نمبر شايع ڪيا پر بدقسمتيءَ سان ان اخبار تي ٽندو آدم ۾ ڪيس داخل ٿيو جيڪو اڃان تائين ڀوڳي رهيو آهيان .
روزگار جي معاملي ۾ طب تي دارو مداراٿم انهيءَ ڪري هڪ رسالو بنام ”ماهوار صحت سرير جي “جاري ڪيم جيڪو اڃان تائين جاري آهي .انهيءَ کان سواءَ هڪ ذاتي ويب سائٽ بنام www.hakimmohdyousif.com جواجرا ڪيو اٿم . جنهن ۾ ٽي پراجيڪٽ ڪم ڪري رهيا آهن هڪ طب جي دنياٻيوعوام دوست اخبار۽ ٽيون ٽنڊو محمد خان تاريخ جي آئيني ۾ .انهيءَ کان سواءِ هڪ اشاعتي ادارو بنام لطيفي طبي اڪيڊمي جي ڪم ڪري رهيو آهي .هن اداري طرفان ويهارو کن ڪتاب شايع ٿي چڪا آهن جن ۾ طب کان علاوه شاعري جا ڪتاب به شامل آهن .ذاتي طور ويهارو کن ڪتابن جو مصنف آهيان لکڻ پڙهڻ جو شوق ٻال جتي کان آهي. هن وقت به جيڪڏهن ٻه ڪلاڪ نه پڙهان ته ننڊ نه ايندي آهي.اهوئي سبب آهي ته ڪتابن گڏ ڪرڻ جي شوق ڪري هڪ وڏي ذاتي لائيبريري پڻ آهي جيڪا لطيفي ويلفيئر سوسائٽي جي حوالي ڪرڻ جو پروگرام آهي جنهن ۾انشاء الله هڪ هزار فوٽ کان مٿي پلاٽ ۽ بلڊنگ سوسائٽي جي حوالي ڪئي ويندي. منهنجو دوستن کي اهو نياپو اهي ته هو وڌ کان وڌ سنڌي ادب جي خدمت ڪن جيڪو نه صرف پڙهڻ لکڻ ۽ شايع ڪرڻ تائين محدود هجي پر سڄي دنيا ۾ رو شناس ڪرائڻ لاءِويب سائٽن تي به پنهنجا جوهر ڏيکاريندا رهن.
سنڌ سلامت ساٿ سلامت

 

حڪيم صاحب سڀ کان پهريائين ته مان اوهان کي سنڌ سلامت فورم جو ميمبر ٿيڻ تي مبارڪباد پيش ڪريان ٿو ادا علي علي اصل ۾ ويو آهي گاه ڪرڻ نه ته هو اوهان جو استقبال گلن سان ضرور ڪري چڪو هجي ها پر پرواه نه آهي مهنجي طرفان هي حڪير نظرانو قبول ڪجو



sadayeen gud

 

محترم حڪيم يوسف صاحب
هڪ ڏينهن ادا وڏي وٽ توهان جو لکيل هڪ ڪتاب ڏٺم، غلطي سان کڻي پنهنجي هڪ حڪيم دوست کي ڏيکاريم ته هن کي ايترو وڻيو جو هن ڪتاب ئي رکي ڇڏيو پر دوست جو ڀرم رکڻ لاءِ ادا وڏي جي مار به سَهي ويم پر دوست جو نالو نه کنيم۔
ڪتاب جو نالو شايد نم جا فائدا يا سونفن جا فائدا هيو۔ مون کي ڏاڍي خوشي ٿي ته توهان جهڙا عظيم ماڻهون پڻ سنڌ سلامت فورم تي موجود آهن۔
توهان جي حڪمت واري ڪتاب کي پڙهي ادا رشيد کي پرزور رڪيسٽ ڪندس ته صحت بابت پڻ هڪ سيڪشن کولي جتي توهان جا فائديمند ٽوٽڪا ملي سگهن۔ نه ته هنن انگريزي ڊاڪٽرن ته اصل منجهائي وڌو آهي۔

 

ادا ڦلپوٽا اوهان جي مهرباني جو اوهان ڪمپيوٽر جي گلن جي ورکا سان منهنجو استقبال ڪيو.سچ پڇو ته ٿوري دير لاءِ مون اهو محسوس ڪيو ته ڄڻ اهي اصلي گل آهن .خير اصلي يانقلي گل هجن پرڳالهه محبت ۽ خلوص جي هوندي آهي آئون مصروف هئڻ جي باوجود هاڻ اهو محسوس ڪريان ٿو ته اوهان جھڙانوجوان دوست ادبي ڪمن ۾ مصروف آهن . ته اوهان سان هر ننڍي وڏي ڳالهه شيئر ڪرڻ سان مون کي انتهائي خوشي محسوس ٿيندي انشاءَالله اوهان سان ساٿ نڀائبو​

 

ادا وحيد سمو صاحب مهرباني ، اوهان مون کي سنڌ سلامت جي پليٽ فارم تان آڌرڀاءُ ڪيو ان جي مهرباني انکان سواءِ اوهان منهنجي ڪتاب نم جا فائدا ياسونفن جي فائدن بابت جن خيالن جو اظهار ڪيو اهو منهنجي لاءِ باعث خوشي آهي نه ته اسان ته اهو سوچيندا آهيون ته اسان جا ڪتاب ماڻهو پڙهن ٿايا ردي جي ٽوڪري ۾ ٿا اڇلائين اوهان جي ان ڳالهه مان اها خبر پئي ته اسان جي محنت رائيگان نه وئي آهي ماڻهو ٻين جا ڪتاب به کڻي پڙهن ٿا۔ موقعو مليو ته سونفن جا فائدا ڪتاب PDFفارميٽ ۾ سنڌ سلامت فورم تي ضرور شيئر ڪندس​

 

ادا علي علي اوهان جي مهرباني توهان جو استقبال ۽ مينهن ويامڻ واري خبر تي ڏاڍي خوشي ٿي انڪري جو آئون به پنهنجي گھر واري سان وڙهيس ته ان ڪاوڙ ۾ مينهن وڪڻي ڇڏيم ان ڏينهن کان پوءِ پاڻي واري کير تي گزر آهي هڪ ڇوڪر ته کير وٺي اڇلائي ڇڏيندو آهي انهيءَ ڪري مينهن ويامڻ جو ٻڌي ڏاڍو خوش ٿيندو آهيان ته ان گھر ۾ گھٽ ۾ گھٽ ٻارن کي بهتر ته کير ملندو انهيءَ ڪري اوهان کي نصيحت ٿو ڪريان ته ڪڏهن به اتفاقيه مون وانگر گھر ۾ ڪنهن سان وڙهي مينهن نه وڪڻ جو نه ته مون وانگر پيا ٻاٿون کائيندا۔ انهيءَ کان وڌ اها خوشي آهي ته جيجل امان جي ٻولي ۾ اسان جا نوجوان فعال آهن ۔ اسان جو نيڪ خواهشون اوهان سان گڏ آهن

 

سائين حڪيم محمد يوسف کتري کي هي ناچيز دل جي گهراين سان خوش آمديد ٿو چوي۔

 

ادا حڪيم محمد يوسف کتري صاحب ڀلي ڪري آئين جي ڪري آئين۔ بس هڪڙو شعر خالص تُنهنجي لاءِ آهي هينئر هينئر بڻايو اٿم توهان جي آجيان لاءِ ته​

آيو حڪيم مُنهنجو ڀاءُ مُنهنجا ڀاڳ جاڳي پيا
جنهن تان گهوريان پنهنجو ساهه مُنهنجا ڀاڳ جاڳي پيا
سنڌ سلامت فورم پيو آهي مهڪي ۔ کتري يوسف آيو مُرڪي
اچي پئي هر هنڌان واهه واهه مُنهنجا ڀاڳ جاڳي پيا!​

ادا

يوسف سچ پڇو ته توهان جهڙي سنڌ ڏاهي جو سنڌ سلامت فورم تي اچڻ مطلب وڃي ٿيا ست خير، اسان جي سنڌ نوجوانن ڏينهن رات هڪ ڪري سنڌ سلامت فورم لانچ ڪيو آهي، ٿي سگهي ٿو هنن سنڌي سپوتن کان ڪجهه ٽيڪنيڪل خاميون ٿيون هُجن، جيئن ته توهان کاهوڙي ماڻهو آهيو، سنڌ سلامت فورم کي خوبصورت بنائڻ لاءِ توهان وٽ ڪي قيمتي مشورا هُجن ته مهرباني ڪري، هنن دوستن سان ضرور ضرور شيئر ڪندا، ادا يوسف هي نوجوان ٻيو ڪجهه ڪونه ٿا گُهرن پر توهان جهڙي عظيم ليکڪن، تحقيق دانن، کاهوڙين کان صرف دست شفقت ٿا گهرن، مونکي اميد آهي ته پنهنجي قيمتي مقالن، پنهنجي محبت ڀرين لکڻين، خاص ڪري سنڌي تاريخ جي وڃايل پهلوئن کي اُجاگر ڪرڻ وارا مضمون اسان سڀني سان شيئر ڪري سنڌي ٻولي، سنڌي سڀيتا، سنڌي ماڻهن جي خدمت جي جذبي واري عمل کي اڳتي وڌائيندا، توهان جون هڪ دفعو وري به مهربانيون مڃي توهان کي ڀليڪار چوان ٿو۔​

 

واه واه

واه واه

واه واه

 

ادا، حڪيم سائين ابصار عالم کتري جو ڀلا مائٽ آهي ڇا۔

 

ادا، مهرباني توهان جي جو حڪيم صاحب جي ڪتابن جو ديدار ڪرايو

 

ادا سائين ابصار قوم وارو ضرور آهي باقي مائٽي نه آهي ۔ انهيءَ کان وڌ سندس والد منهنجو دوست هو انجي وفات تي مون ماهوار صحت سرير جو خاص نمبر به عنوان حڪيم محمد عثمان جون طبي خدمتون جي نالي سان رنگين ٽائيٽل ۾ ڇپايو هوم ، ابصار وارن مهرباني ڪري ان ڪتاب جي مهورت ڪرائي ان سلسلي ۾ سندن هڪ رات مهمان رهيس جنهن ۾ سٺي مهماني سان گڏ ڪمپيوٽر جي ڄاڻ به حاصل ڪئي سين۔ ان کان اڳ سائين نثار ناز کي خطاط جو شوق هو، سو سندس والد کان پڇا ڪيم ته ابصار ڪير آهي ۔ٿورن ڏينهن کان پوٌٌ ابصار خطاط جي سي ڊي رواني ڪئي پر نثار ان مان فائدو وٺي نه سگھيو ايئن سندس خطاط جي خواهش اڌوري رهجي وئي

 

سائين توهان جا لک لائق جو توهان پنهنجو سون جهڙو قيمتي وقت اسان جهڙن اٻوجهن کي ڄاڻ ڏيڻ لاءِ وقف ڪريو ٿا۔ مٺا مولا شاد رکئي آباد رکئي،
سائين ڀلا کو شاگرد تيار ڪيو اٿئو يا نه،

 

شاگردن جو شوق گھٽ اٿم ڪافي پر پٺ استاد چوندا آهن ٻه ٽي شاگرد ٿيڻ لاءِ لڏو لاهي ويٺا انهن جو مقصد هو ته سڀ نسخا ٻن ڏينهن ۾ ٻڌايو انڪري اڪثر شاگرد ورائي ڇڏيندو آهيان

 

ادا حڪيم مهرباني جو خطاط واري منهنجي شوق جو اظهار سنڌ سلامت جي سڀني دوستن سان ڪيو۔ پر مٺا کترين واري اها سي ڊي مونکان وڌيڪ توهان ڄاڻو ٿا ته انتهائي ٽپيڪل هُئي، توهان واري ڪمپيوٽر کان سواءِ هلندي ئي ڪونه هُئي، باقي انهيءَ سي ڊي يا سافٽ ويئر جي قيمت ابصار عالم کتري صاحب جن ٻن هزارن کان وڌيڪ رکي هُئي ۽ اسان بي روزگار ۽ پن سن (پينشن) تي هلڻ وارا مولائي لڏا سو هٿي ٻڌي پاسو ڪيوسين ۽ ائين اها خطاط واري آس اڌوري رهجي وئي​

 

ادا رشيد اوهان جي مهرباني جو ياد ڪيو اٿو ، نثار اوهان جي آ مد جو ٻڌايو هو ته ايندو ڏاڍي اڪير هئي ته اوهان سان ڪچهري ٿيندي، حالانڪه آئون گس تي هيس پر شايد ناز صاحب اوهان کي تڪليف نه ڏيڻ جو سو چي مون سان نه ملايو بهرحال يار زنده صحبت باقي ، ادا اوهان جي اها خدمت وسارڻ جي نه آهي انشاءَالله سنڌ سلامت وڌي وڻ ٿيندي ،آئون سمجھان ٿو ته اوهان کي به شايد سنڌي ٻولي ۽ ماڻهن سان عشق آهي انهيءَ ڪري فورم جاري ڪئي اٿو۔آئون به انهي ءَ عشق ڪري ويب سائٽ هلائي رهيو آهيان نثار ناز جي موجو دگي ۾ ڪئين ماڻهو پڇندا آهن ته اوهان کي ڪهڙو مالي فائدو آهي ،اسان چوندا آهيون ته ڪوبه نه وري چوندا ته اوهين بي وقوف آهيو جو محنت ۽ خرچ ڪريو ٿا ۔انهن دوستن کي ڪهڙي خبر ته اسان سنڌ ۽ سنڌي ٻولي جاعاشق آهيون ۔ عشق ۾ عاشق هميشه نقصان ۾ هوندو آهي منهنجي دعا آهي ته نه صرف اوهان جو اهو عشق قائم ۽ دائم هجي پر ٻيا به اسان جھڙا عاشق پيدا ٿين باقي منهنجا ڪتاب جيڪي مون ۽ ناز پاڻ ڪمپوز ڪيا هئا انشاءَالله انهن کي سنڌ سلامت جي اي بڪ ۾ شامل ڪبو
خادم طب و ادب حڪيم محمد يوسف کتري