مست
سينيئر رڪن
گلگت جي هڪ نجي هوٽل سرينا هوٽل ۾ هڪ ملازم عيسى خان ڪمري جي صفائي ڪرڻ جي دوران هٿ ڪيل 50 هزار نو سو ڊالر (چاليهه لک پاڪستاني رپين جي برابر) جي رقم باحفاظت ان رقم جي مالڪ تائين پهچائي ايمانداريءَجو نئون مثال قائم ڪيو آهي۔
پاڪستان جتي هينئر ڪرپشن، بدعنواني ۽ جعلسازيءَ جا نوان رڪارڊ ٺهي رهيا آهن اتي هي پنهنجي طور جو هڪ انوکو مثال آهي۔۔ عيسى خان جي پنهنجي پگهار 21 هزار پاڪستاني رپيا آهي۔ انهيءَهوٽل ۾ گذريل 20 سالن کان ملازم آهي۔ سندس چوڻ آهي ته کيس ان کان پهرين ننڍيون ننڍيون شيون ملنديون هيون اهي به هوٽل جي انتظاميه وٽ جمع ڪرائيندو هو۔ هنزه واديءَ سان تعلق رکندڙ عيسى خان پنهنجي فيمليءَ جو واحد ڪفيل آهي، سندس پنج ٻار ڪاليج ۽ اسڪولن ۾ زير تعليم آهن۔
عيسى خان جو چوڻ آهي ته مشڪلات ته هر انسان کي پيش اچن ٿيون پر ان جو مطلب اهو ته نه آهي ته جيڪا شي ملي ماڻهو کڻي وٺي، اهو ڪو حل ته ناهي بلڪه اها حق تلفي آهي، جيڪا ڪنهن به صورت ۾ صحيح نه آهي۔ هوٽل انتظاميه کيس 10 هزار رپيا انعام ۾ ڏنا آهن جڏهن ته پنجاب جي گورنر کيس فون تي تعريف ڪري مبارڪ ڏني آهي ۽ کيس گورنر هائوس ۾ سڏرائي انعام ڏيڻ جو يقين ڏياريو آهي۔
