هاءِ ڙي ڊسمبر.... نثري نظم جو خوبصورت شاعر پارس حميد بہ وڇڙي ويو... انا للہ و انا الیہ راجعون پارس حميد جو اصل نالو حميد الحق قاضي آهي. هن پهرين جنوري 1957ع تي ڳوٺ گاهي خان جلباڻي لڳ خانواهڻ، تعلقي ڪنڊياري، ضلعي نوشهري فيروز ۾ جنم ورتو. تعليم ايم. اي (ايڪنامڪس: 1983ع)، ۽ ايل. ايل. بي (1985ع) آهي. پارس حميد سٺو شاعر ۽ نثرنگار آهي. 1976ع کان سندس شاعري، ادبي مضمون ۽ مقالا، مختلف اخبارن ۽ رسالن ۾ ڇپجندا رهيا آهن ۽ سندس شاعريءَ جو ڪتاب ”هٿ ترين تي روشن دک“ (2006ع) ۽ ”ديس پرديس“ (ترتيب)، سنڌي ادبي سنگت خانواهڻ پاران 1981ع ۾ ڇپيل آهي. سندس شاعريءَ جو ٻيو مجموعو ”پهريون خواب“ جي نالي سان ڇپيل آهي. انسائيڪلوپيڊيا سنڌيانا جي ٿورن سان...
